Ginawaran ng Japanese government si dating Senate President Manny Villar ng ‘Grand Cordon of the Order of the Rising Sun’.
Mismong si Japan Ambassador to the Philippines Kazuhiko Koshikawa ang naggawad ng parangal kay Villar sa isang seremonya sa Malacañang na sinaksihan ni Pangulong Ferdinand Marcos Jr.
Ang parangal ay ipinagkaloob ng Japan kay Villar bunsod ng malaking kontribusyon ng dating senador sa malakas na bilateral relations sa pagitan ng dalawang bansa.
Ang ‘Order of the Rising Sun’ ay iginagawad sa mga indibidwal sa Japan at iba pang bansa na nagpakita ng natatanging tagumpay a serbisyo sa kani-kanilang larangan.
