Sinampahan ng reklamong katiwalian sa Office of the Ombudsman si dating Senate President Chiz Escudero at ilang opisyal ng Sorsogon kaugnay ng umano’y systematic irregularities at posibleng malversation na nagkakahalaga ng P352.6 milyon noong gobernador pa siya ng probinsya.
Ayon kay Atty. Eldrige Marvin Aceron, batay sa 2021 COA report, kwestyonable ang ilang proyekto, kabilang ang P125.7-M infrastructure contracts na iginawad sa dalawang contractor na may parehong tauhan at kagamitan.
Kasama rin sa reklamo ang umano’y P8.5-M janitorial at laundry contracts na sinasabing suportado ng falsified documents, conflicting notarization, at posibleng pekeng client references.
Kabilang sa mga kasong isinampa laban kay Escudero ang Anti-Graft and Corrupt Practices Act, Technical Malversation, Fraud Against Public Treasury, at falsification sa ilalim ng Revised Penal Code.
Una nang nagsampa si Aceron ng ethics complaint laban sa senador sa Senado noong nakaraang buwan dahil sa umano’y pagtanggap ng illegal campaign donations.
