Umaasa si Dagupan Archbishop Emeritus Oscar Cruz na mawawala na ang jueteng sa bansa sa administrasyon ni Pangulong Rodrigo Duterte.
Sinabi ni Cruz sa panayam ng DWIZ, na bagama’t marami siyang tinututulan sa mga ipinatutupad at plano ni Pangulong Duterte ay napapansin naman niya na medyo may pag-usad sa pagsawata sa jueteng.
Matapos aniya ang planong pagbuwag sa online gambling ng pamahalaan ay tiwala siyang susunod na rito ang jueteng.
Hindi kasi aniya nasolusyunan ng administrasyon ni dating Pangulong Noynoy Aquino ang problema sa naturang sugal dahil hindi ito ang naging prayoridad.
By: Allan Francisco