Gulat na gulat si dating Metro Rail Transit (MRT) General Manager Al Vitangcol sa inisyung arrest warrant ng Sandiganbayan dahil sa kinakaharap na kasong graft.
Ito ayon kay Vitangcol ay bagamat kaagad naman siyang nakapagpiyansa para sa dalawang kaso ng graft dahil sa umano’y tangkang pangingikil sa Czech company na Inekon kapalit ng kontrata sa MRT.
Sinabi sa DWIZ ni Vitangcol na sadyang pinipilit na papanagutin siya sa kasalanang hindi naman niya ginawa at binabalikan lamang siya sa pagbubulgar niya ng mga anomalya noong nakalipas na administrasyon.
Panakot din aniya ang nasabing kaso na ayon sa kaniya ay inihabol pa bago tuluyang bumaba sa puwesto ang dating Pangulong Noynoy Aquino noong June 14, 2016.
Bahagi ng pahayag ni dating MRT General Manager Al Vitangcol
By Judith Larino | Ratsada Balita
