Nagpasok ng not guilty plea sina dating Immigration Deputy Commissioners Al Argosino at Michael Robles hinggil sa kinakaharap na 50 million bribery scandal sa ahensya.
Sina Argosino at Robles ay nahaharap sa tig-isang bilang ng paglabag sa Anti-Graft and Corrupt Practices Act, direct bribery at paglabag sa batas na nagpaparusa sa mga public officials na tumatanggap ng regalo mula sa mga pribadong indibiduwal.
Samantala, bigo namang makadalo sa kanyang arraignment sa Sandiganbayan si dating General Wally Sombero matapos ma-confine sa Veterans Memorial Medical Center o VMMC dahil sa kumplikasyon sa thrombosis.
Dahil dito itinakda na lamang muli ni 6th Division Chair Associate Justice Sarah Jane Fernandez ang pagbasa ng sakdal kay Sombero sa June 8 na simula rin ng pre trial proceedings.
—-
