Daniel Matsunaga at Arci Muñoz focus muna sa kanilang mga career

Nilinaw na ng Brazilian model actor na si Daniel Matsunaga ang espekulasyon kaugnay ng umano’y namumuong relasyon sa kapwa Kapamilya actress na si Arci Muñoz.

Sa panayam ni Boy Abunda kay Daniel, itinanggi ng aktor na may namamagitan sa kanila ni Arci at sinabing magkaibigan lamang sila.

Ayon kay Daniel, ini-enjoy niya sa ngayon ang kanyang pagiging single.

Gayunman, inamin ng Brazilian model actor na lumalabas sila paminsan-minsan ni  Arci kasama ang ilang common friend.

Paglalahad din ni Daniel, pumirma sila ni Arci sa isang kontrata na hindi sila maaaring pumasok sa isang relasyon sa loob ng anim na buwan at napag-usapang parehong mag-focus sa kanilang mga career.

Nagsimulang ma-link ang dalawa matapos ang kanilang sexy performance sa programang “I Can Do That”.

By Krista De Dios

Comments

comments