Itinalaga ni Pangulong Rodrigo Duterte ang dalawang retiradong police general bilang mga bagong opisyal ng Department of Interior and Local Government (DILG).
Uupo bilang Undersecretary for Peace and Order ng DILG si dating Police Community Relations Group Director Bernardo Florece Jr.
Habang itinalaga naman bilang Assistant Secretary si Manuel Felix na dating Director ng PNP Directorate for Integrated Police Operations sa Western Mindanao.
Kapwa miyembro ng Philippine Military Academy Matikas Class of 1983 ang nasabing bagong dalawang opisyal
Kumpiyansa naman si DILG Officer-In-Charge Eduardo Año na magiging ‘asset’ sa kagawaran ang dalawang dating heneral, lalo na sa paglaban sa kriminalidad, iligal na droga, kurapsyon at terorismo.
