Naibalik na sa singer na si Lady Gaga ang dalawang bulldogs niya na dinukot ng dalawang armadong lalaki sa Hollywood, California.
Ayon sa ulat, dinala ng isang babae ang mga asong sina Koji at Gustav sa tanggapan ng Los Angeles Police District o LAPD at nakuha na rin ito ng mga kinatawan ng singer.
Bago ito, naglaan ng kalahating milyong dolyar si Lady Gaga bilang pabuya sa sinumang makapagbibigay ng impormasyon upang ligtas na maibalik sa kanya ang mga alaga niyang aso.
Matatandaang binaril ng dalawang lalaki ang caretaker nina Koji at Gustav bago tinangay ang dalawang aso.
