Sugatan ang dalawang indibidwal sa panibagong pamamaril na naganap sa isang libing sa Wisconsin, USA.
Nangyari ang insidente sa Graceland Cemetery, kung saan pinaputukan umano ang mga nagdadalamhati sa paglilibing ng yumaong si Da’ Shontay Lucas King Sr.
Agad namang dinala sa ospital sa Milwaukee ang mga biktima, kung saan agad na nakalabas ang isa sa mga ito at ang isa naman ay nagtamo ng serious injuries.
Inilarawan ng Racine Police ang nangyari na isang ”critical” incident.
Wala namang naaresto ang mga otoridad matapos ang insidente at patuloy pa itong iniimbestigahan.
