Naglagay ng karagdagang 14 na mga bicycle racks ang pamunuan ng transportation department sa mga istasyon ng MRT line 3.
Ayon sa MRT-3, ito’y para mapanatili ang kaligtasan ng mga pasaherong bumabyahe na tangan gamit ang kanilang mga bisikleta.
Ilan sa mga istasyong nalagyan ng bike racks ay ang mga sumusunod:
– Cubao
– Santolan
– Ortigas
– Shaw Boulevard
– Boni
– Guadalupe, at iba pa.
Target na maglagay ng nasa 34 na mga bike racks sa lahat ng mga istasyon ng MRT mula North Avenue hanggang Taft Avenue.
Samantala, nagpaalala ang pamunuan ng MRT-3, na libre itong ipagagamit sa lahat.
