Isinusulong ni TINGOG PARTYLISt representative Yedda Marie Romualdez at Jude Acidre na dagdagan ang honoraria ng mga barangay official at bigyan ng allowance ang mga tanod at lupon ng tagapamayapa.
Sa ilalim ng House Bill 2349, maaamyendahan ang local government code upang mabigyan ng hindi bababa sa P3,500 na honorarium ang mga punong barangay.
Mula ito sa kasalukuyang P600 -P1,000 na natatanggap ng mga nasabing opisyal.
Tatanggap naman ng hindi bababa sa P2,500 kada buwan ang mga miyembro ng sangguniang barangay, barangay treasurer, secretary at mga tanod. - sa panunulat ni Hannah Beatrisse Oledan
