Kasado na bukas ang ipatutupad na dagdag-bawas ng mga kumpanya ng langis sa presyo ng mga produktong petrolyo.
Sa abiso ng Pilipinas Shell Petroleum Corp., at Seaoil, ilalarga na sa Martes ang 95 centavos na umento sa kada litro ng gasolina habang 50 centavos ang dagdag sa kada litro ng diesel.
Ipatutupad naman ang 15 centavos na bawas-presyo sa kada litro ng kerosene.
Epektibo ang panibagong price adjustment simula ala sais ng umaga bukas.
