Inabswelto ni Pangulong Rodrigo Duterte ang Department of Agriculture (DA) sa alegasyong overpriced ang binili nitong urea fertilizers.
Sa kabila ito ng nakatakdang imbestigasyon ng Senado sa reklamo ng Samahang Industriya ng Agrikultura (SINAG) na overpriced ng P2.5 million ang biniling urea fertilizers ng DA na ipinamahagi sa mga magsasaka.
Sa kanyang report sa Kongreso para sa Bayanihan to Heal as One Act, sinabi ng pangulo na batay sa report sa kanya ng DA, naging transparent ang ginawang bidding para sa mga fertilizers at sa katunayan ay natawaran pa nila ang presyo nito.
Una nang sinabi ng SINAG na batay sa resulta ng isinagawa nilang canvass, dapat ay nasa P850 per bag lamang ang bili ng DA sa fertilizers sa halip na P990.
