Nilinaw ng Department of Health (DOH) na bagaman maaring sumirit ang kaso ng COVID-19 Delta variant sa bansa ay hindi pa nakikita ang “surge” nito.
Ayon kay Health Undersecretary Maria Rosario Vergeire, dapat maging maingat sa pagbibigay ng impormasyon sa ating mga kababayan.
Maaari anyang ipinagpalagay lamang subalit wala pa namang basehan upang i-anunsyo nila na mayroon ng surge.
Tiniyak naman ng DOH Official na patuloy ang paghahanda ng gobyerno upang maiwasan ang labis na pagtaas ng kaso ng Delta variant. —ulat mula kay Drew Nacino