Umaabot na sa halos 750,000 ang bilang ng mga nasawi dahil sa coronavirus disease 2019 (COVID-19) sa buong mundo.
Mula ito sa kabuuang mahigit 20.6-milyong kaso ng COVID-19 na naitala mula sa 196 na mga teritoryo at bansa sa buong daigdig.
Sa nabanggit na bilang mahigit 12.5-milyon ang nakarekober o gumaling mula sa sakit.
Nananatili naman ang Estados Unidos sa nangungunang bansa na pinaka naapektuhan ng COVID-19 kung saan nakapagtala ito ng mahigit 1,400 mga bagong nasawi.
Sa kabuuan, umaabot na sa halos 5.2-milyon ang kaso ng COVID-19 sa Estados Unidos habang higit 166,000 na ang namatay.
Pumapangalawa ang Brazil na nakapagtala ng mahigit 104,000 nasawi mula sa higit 3.1-milyong kaso.
Sinusundan ito ng Mexico na mayroon nang halos 500,000 COVID-19 case at mahigit 54,000 nasawi.
