Muling nakapagtala ng record high na bagong kaso ng COVID-19 sa bansa.
Sa pinaka latest tally na inilabas ng Department of Health, umabot sa 17,231 ang mga bagong kaso ng virus kaya’t nasa 1,807,800 na ang kabuuang kaso nito.
Ito na ang pinakamalaking naitalang kaso ng COVID-19 na nahigitan pa ang naitala noong Abril 2, 2021 na nasa 15,310 lamang.
1,653,351 na ang kabuuang bilang ng mga nakarekober matapos na madagdagan ng 5,595.
317 naman ang bagong nasawi sa COVID-19 kaya’t nasa 31,198 COVID-19 related deaths sa bansa.
