Niyanig ng magnitude 5.0 na lindol ang Cortes, Surigao del Sur ngayong araw.
Ayon sa Philippine Institute of Volcanology and Seismology (PHIVOLCS), naganap ito kaninang alas-12:43 ng hapon.
Naitala ang episentro ng lindol 35 kilometro mula sa hilagang silangan ng Cortes, na may lalim na 11 kilometro at tectonic ang pinagmulan.
Naramdaman ang Intensity II ng pagyanig sa Tandag, Surigao del Sur habang Intensity I sa Cabadbaran City, Agusan del Norte.
Inaasahan naman ng PHIVOLCS ang aftershocks matapos ang lindol.
