Sinampahan na ng reklamo sa korte ni COMELEC o Commission on Elections Chairman Andy Bautista ang kanyang asawang si Patricia.
Ayon kay Bautista, kasama niya ang kanyang pamilya nang inihain ang mga kasong grave coercion, qualified theft, robbery at extortion laban kay Ginang Patricia, kahapon.
Hindi naman sinabi ni Bautista kung saang korte niya inihain ang mga nasabing kaso.
Kasabay nito, iginiit ni Bautista na dapat ay sa korte na pag-usapan ang alegasyong ipinupukol sa kanya at hindi na dapat ipinakita sa media ng kanyang asawa ang mga nakuha nitong dokumento.
Unang nang sinabi ni Bautista na ninakawan siya ng kanyang asawa sa sarili nilang tahanan at dinuktor ang mga kinuhang mahahalagang dokumento para gamitin laban sa kanya.
By Krista de Dios
