Handa na ang Commission on Elections (COMELEC) na magdaos ng Barangay at Sangguniang Kabataan Elections (BSKE) ngayong taon.
Ito’y sa oras na magdesisyon ang Korte Suprema na itakda ng mas maagang petsa.
Ayon kay COMELEC chairman George Garcia, nakahanda na rin ang lahat ng gagamitin sa halalan na naipadala na bago pa man matapos noong isang taon.
Tiniyak naman ng opisyal sa publiko na patuloy ang pag-i-imprenta ng balota hanggang matapos ang Enero.
Samantala, sinabi ni Garcia na hindi pa tinatalakay ng COMELEC na maaring palawigin ang voter registration period na hanggang Enero 31 na lamang. –sa panulat ni Jenn Patrolla
