Kinumpirma ng TV host actress na si Coleen Garcia na hindi na siya babalik sa It’s Showtime.
Ayon kay Coleen ay tutukan niya ang kanyang acting career lalo ngayon na extended pa ang kanyang teleserye na Pasion de Amor.
Bukod pa riyan ay magkakaroon din siya ng pelikula kasama sina Dawn Zulueta at Piolo Pascual.
Nilinaw din ni Coleen na hindi pa sila magpapakasal ng kasintahang si Billy Crawford dahil pareho pa silang busy sa kanilang mga trabaho.
Ipinaliwanag ni Coleen na napag-usapan na nila ang kasal ngunit hindi pa ito mangyayari ngayong taon.
Sa kabilang banda ay ipinahayag naman ni Billy na handa na siyang pakasalan si Coleen bagamat naiintindihan niyang marami pang gustong gawin ang kasintahan.
By Arianne Palma
