Inilampaso ng Washington Wizards ang Cleveland Cavaliers sa score na 113-99 habang wala si Lebron James.
Kumamada si point guard John Wall ng 21 points at 13 assists para sa Wizards na sinamantala ang pagkakataong wala si James.
Ito na ang ikalawang sunod na pagkatalo ng Cavaliers na mayroong 41-17 record sa torneo at nangunguna sa Eastern Conference.
Ayon kay Cleveland Coach Tyronn Lue, kaya wala si James ay dahil pinagpapahinga nila ito bunsod sunod-sunod nilang laro sa iba’t ibang venue.
Si Guard Kyrie Irving ang nanguna sa Cavs sa pamamagitan ng kanyang 28 points habang nag-ambag naman si Forward Kevin Love ng 12 points.
By Jelbert Perdez