Isa nang ganap na free agent sa Japan Professional Basketball League (Japan B. League) ang Filipino professional Basketball player na si Kobe Paras.
Ayon sa Niigata Albirex B-B, nag-expire na ang kontrata ni Paras sa koponan kahapon.
Noong September 2021 naging opisyal na miyembro ng koponan ng Niigata si Paras bilang Asian Player Quota.
Nasa 49 na laro ang nilahukan nito sa grupo na may average na 8.2 points, 2.1 rebounds at 1.2 assists kada laro.
