Nagpadala ng liham si Supreme Court Chief Justice Maria Lourdes Sereno kay Pangulong Rodrigo Duterte ngayong araw.
Ito’y makaraang pangalanan ng Pangulo ang ilang hukom na kabilang sa listahan ng mga sinasabing sangkot sa operasyon ng iligal na droga.
Ayon kay Supreme Court Spokesman Atty. Theodore Te, ipinaraan ng Punong Mahistrado ang kanyang liham kay Justice Secretary Vitaliano Aguirre.
Nakasaad umano sa naturang liham ang mga saloobin ni Sereno sa ginawang pag-aanunsyo ni Pangulong Duterte.
Una nang sinabi ng Pangulong Duterte na mismong ang mga korte ang magpapatunay sa kanyang akusasyon laban sa mga binanggit na personalidad kabilang na riyan ang mga hukom.
By Jaymark Dagala | Allan Francisco (Patrol 25)
