Hindi pa sigurado si Chief Justice Maria Lourdes Sereno kung dadalo ito o hindi sa pagdinig ng house panel ng isinampang impeachment complaint laban sa kanya.
Gayunman, ayon kay Atty. Josa Deinla, tagapagsalita ni Sereno, hindi pa nila napag – uusapan ang tungkol sa imbetasyon ng Kongreso.
Una nang inatasan ng House Justice Committee si Sereno na dumalo sa pagdinig sa Nobyembre 22 at personal na harapin ang mga testigo sa reklamo na inihain ni Atty. Lorenzo Gadon.
Nabunyag naman na ayaw umano ng ilan sa mga kasapi ng legal team ni Sereno na humarap ito sa mga testigo sa kaso.
