Patuloy na nagpapalakas ng puwersa at pagtatayo ng pasilidad ang China sa pinag – aagawang teritoryo sa West Philippine Sea.
Ito’y matapos mamataan ang high frequency radars at iba pang communication equipment, pati na din ang imbakan ng mga missile at iba pang sandata sa Fiery Cross Reef, Subi Reef at Mischief Reef na napakalapit sa Pilipinas.
Ayon kay Atty. Jay Batongbacal, Direktor ng UP Institute for Maritime Affairs, ang Law of The Sea ang mga nakitang imbakan ng sandata ng China ay dapat ikabahala ng mga ahensya na nangangalaga sa seguridad ng bansa.
Dagdag pa ni Batongbacal na dapat lamang ayusin din ng Pilipinas ang mga pasilidad sa mga lugar na okupado nito sa Spratyls tulad na lamang ng runway sa Pag-asa Island.
Magugunitang noong Agosto ay nagtayo ang Pilipinas ng ilang kubo sa Sandy Cay na malapit sa Pag-asa Island ngunit ipinatigil ito ni Pangulong Rodrigo Duterte matapos almahan ng China.
