Hinigpitan na ng China ang kanilang monitoring, health, safety at travel protocols dahil sa panibagong COVID-19 outbreak.
Pinangangambahang kumalat sa ibang rehiyon ang panibagong COVID-19 cases kung hindi paiigtingin ang pagpapatupad ng health standards.
Ayon sa National Health Commission, namemeligro ring lumala ang sitwasyon sa gitna ng papalapit na winter season.
Mahigit 100 locally transmitted cases ang naitala sa mga nakalipas na araw sa labing-isang lalawigan makaraang magluwag ng travel restrictions sa China.
Samantala, pinagbawalan na ang mga travel agencies na magsagawa ng mga provincial tour maging ang ilang travel services sa buong bansa.—sa panulat ni Drew Nacino
