Limang miyembro ng Sudanese Counter-Terrorism Officers ang patay matapos makipagsagupaan sa mga miyembro ng Islamic State sa lungsod ng Khartoum.
Kinumpirma ng intelligence services ng Sudan na sinalakay ng mga otoridad ang isang bahay kung saan nagpupulong ang mga terorista.
Nanlaban ang mga miyembro ng isis kaya’t napatay ang lima sa hanay ng security forces.
11 dayuhang terorista naman ang naaresto habang apat ang nakatakas.
Nakatanggap umano ng impormasyon ang mga otoridad na may nagaganap na recruitment sa nasabing lugar kaya’t agad naglunsad ng operasyon.—sa panulat ni Drew Nacino