Ipinaaaresto ng Makati Regional Trial Court (RTC) ang negosyanteng si Peter Go Lim sa kasong umano’y pakikipag-sabwatan sa iba pang personalidad sa isyu ng illegal drug trade.
Nakitaan ng probable cause ni Judge Gina Bibat-Palamos ng Branch 65 ang kaso laban kay Lim kasama ang mga kapwa akusadong si Kerwin Espinosa at iba pa.
Ang arraignment ay itinakda ng korte sa August 28.
Samantala, itinakda rin ng parehong Korte sa August 17 ang pagdinig sa mosyong isinampa ng DOJ para ikunsidera na flight risk si Lim kaya’t dapat itong pigilang makalabas ng bansa.
