Handa na si Nonito “The Filipino Flash” Donaire Jr. sa kaniyang pag-depensa sa WBC-118 world title laban sa kapwa Pinoy na si Reymart Gaballo na gaganapin sa Disyembre 11 sa Carson, California.
Ito ang unang sabak ng boksingero ngayong taon matapos na hindi matuloy ang laban sana nito kay Johnriel Casimiro.
Samantala, may rekord si Donaire na 41 wins, 6 loss, at 27 knockouts habang si Gaballo ay mayroong rekord na 24 wins, 20 knockouts at walang talo. —sa panulat ni Airiam Sancho
Philippine Para-Athletes, nasungkit ang siyam na medalya sa Asian Youth Para-Games sa Manama, Bahrain.
Nasungkit ng Philippine Para-Athletes ang siyam na medalya sa nilahukang Asian Youth Para-Games sa Manama, Bahrain.
Nilahukan ng 770 para-athletes mula sa 30 bansa ang naturang kompetisyon na ginanap nito lamang December 2 hanggang December 6, 2021 kung saan, bumida ang 20 Pinoy Para-Athlete mula Philippine Sports Association for the Differently Abled (PHILSPADA).
Naiuwi ni Para Swimmer Ariel Alegarbes ang gold medal sa S14 Butterfly Multiclass category, at silver medals naman sa SB14 100m breaststroke at 100m backstroke.
Nasungkit naman ni Para Table Tennis Player Linard Sultan ang dalawang silver mula sa Men’s singles class 8 at Men’s mixed team habang nagwagi rin ng silver medal sina Para Athletes Ronn Russel Mitra at Daniel Enderes, Jr.
Bronze medal naman ang nakuha ni Para Swimmer Angel Otom sa 100m freestyle S1-S10 at Para Table Tennis Player Mary Eloise Sable sa Women’s mixed team.
Ang Pilipinas ay may delegado rin para sa wheelchair basketball, badminton, at boccia. —sa panulat ni Angelica Doctolero
Tuloy pa rin ang pag-eensayo ni filipino boxer Jerwin Ancajas kahit na hindi natuloy ang laban nito kay Kazuka Loka ng Japan.
Aniya, medyo nalungkot siya sa naging desisyon ng gobyerno ng Japan na ipagpaliban ang laban nila ni Loka na dapat na gaganapin sa Disyembre 31 dahil sa pagsasara ng border nito bunsod ng banta ng Omicron variant.
Matatandaang, hindi lamang ito ang unang pagkakataon na ipinagpaliban ang laban. Dahil dalawang beses na ring naantala ang title defense nito bilang Internation Boxing Federation (IBF) Bantamweight Champion kay Jonathan Rodriguez. —sa panulat ni Airiam Sancho
Maghohost ang Pilipinas ng Volleyball Nations League (VNL) matches sa susunod na taon.
Ibingay sa Pilipinas ang hosting rights para sa week 2 ng VNL Women’s mula June 14 hanggang 19 habang ang Men’s Division ay sa June 21 hanggang 26 sa Quezon City.
Sasabak sa Quezon City Leg ang Japan, France, Argentina, Italy, Russia, Germany, Slovenia at Netherlands.
Kinumpirma ng Philippine National Volleyball Federation ang anunsyo ng volleyball world sa social media subalit wala pang detalye para sa hosting.
Kabilang sa VNL ang reigning champion USA, Belgium, China, Poland, Thailand at Canada.
Nagwagi ang New York Knicks sa NBA kontra San Antonio Spurs sa iskor na 121-109.
Naging tabla ang iskor ng dalawang koponan sa unang quarter pero nagawang makabawi ng Knicks sa ikalawa at ikatlong quarter.
Nanguna sa panalo ng Knicks si small forward-shooting guard Rj Barrett na nakapagtala ng 23 points, 5 rebounds at 2 asissts habang nasayang naman ang 26 points, 6 rebound at 7 assist ni Derrick White para sa spurs.
Abangan naman mamaya ang susunod na laro ng Knicks kung saan kanilang makakaharap ang Indiana Pacers. —sa panulat ni Angelica Doctolero
Tinambakan ng Golden State Warriors ang Orlando Magic sa NBA kahapon sa iskor na 126-95.
Lumamang ang Warriors sa una, ikalawa at ika-apat na quarter dahilan para magkaroon ng dalawampung panalo at apat na talo ang koponan.
Nanguna sa panalo ng Warriors si point and Shooting Guard Stephen Curry na nakapagtala ng 31 points, 3 rebound at 8 assists habang nakaambag din sa koponan si Andrew Wiggins na may 28 points, 3 rebound at 3 assists.
Abangan naman ang susunod na laro ng Warriors kung saan kanilang makakaharap ang Portland Trailblazers sa december 9, 2021, 11 ng umaga, oras sa ibang bansa.—sa panulat ni Angelica Doctolero
Pinataob ng Milwaukee Bucks ang Miami Heat sa NBA sa iskor na 124-102.
Tinambakan ng Bucks ang Miami sa una hanggang ikatlong quarter kung saan, nanguna sa koponan si Pat Connaughton na nakapagtala ng 23 points, 4 rebound at 1 assists.
Umiskor din ng 22 puntos, 6 na rebound at 9 na assists si Khris Middleton dahilan para maitala ang 15 panalo ng Bucks na may 9 na talo sa NBA.
Abangan naman ang susunod na laban ng Bucks kung saan, makakaharap nila ang Cleveland Cavaliers na gaganapin ngayong araw, alas-9 ng umaga oras sa ibang bansa. —sa panulat ni Angelica Doctolero
Nasungkit ng Pilipinas ang gintong medalya sa 2021 Asia Youth Paragames na ginanap sa Manama, Bahrain.
Nanguna si Para Swimmer Ariel Alegarbes sa men’s 17 to 18 years old 100m butterfly S14 sa oras na 1.96 seconds.
Pumangalawa ang pambato ng Japan na si Rai Kagose at In-Choo ng Thailand.
Huling nakakuha ng gold medal ang bansa sa nasabing torneo sa pamamagitan ni long jumper Jomer Anden.
Samantala, nasa kabuuang 32 bansa ang kasali sa nasabing torneo na nagbukas nitong December 2.
Bubunot ang Philippine Basketball Association (PBA) ng apat na koponan upang isabak sa Inaugural Home-and-Away Season ng East Asia Super League (EASL) sa susunod na taon.
Ayon kay PBA Commissioner Willie Marcial, nagsagawa ang PBA at EASL ng virtual press conference upang ayusin ang kanilang partnership kung saan, kabilang sa dumalo ay sina Board Chairman Ricky Vargas, EASL CEO at Co-Founder Matt Beyer.
Inaasahang mapapasama sa drawing of lots ang reigning champion TNT Tropang Giga, Magnolia Hotshots, Meralco Bolts at San Miguel Beermen.
Nilinaw ni Ukrainian Coach Vitaliy Petrov na hindi siya lumapit sa Philippine Athletics Track and Field Association (PATAFA) kahit sa anong philippine sports official kaugnay sa isyung ibinabato kay Olympic Pole Vaulter EJ Obiena.
Aminado si Petrov na nabayaran siya na kanyang salary nang buo na 85,000 euros o 4.8 million pesos at may bonus pa siya mula sa atleta.
Minsan anya nababayaran siya ng late at pa-utay-utay pero ipinaliwanag ni Obiena na ito’y dahil sa late remittance mula sa PATAFA bagay na hindi umano problema para sa kanya.
Una nang sinabi ng PATAFA na mismong si Petrov ang nagsabi na hindi niya natatanggap ang kanyang sweldo at suportado umano ito ng affidavit mula kay Sergey Bubka, na pangulo ng Ukraine Olympic Committee at Senior Vice President ng World Athletics. —sa panulat ni Drew Nacino