SPORTS

Sinuspindi ng Women’s Tennis Association (WTA) ang kanilang mga torneo na isinasagawa sa china.

Ito’y kasunod ng kawalan ng transparency sa alegasyon ng sexual assault ni Chinese star Peng Shuai laban sa dating mataas na opisyal ng nasabing bansa.

Sinabi ni WTA Chairman at CEO Steve Simon, minabuti ng WTA na suspendihin ang lahat ng kanilang torneo sa China.

Aniya, hindi nila papayagang makapaglaro ang kanilang mga tennis player sa China kung hindi malayang makapagsalita ang manlalaro kagaya ni Shuai.

Paliwanag pa nila, nangangamba sila na baka maulit lamang ang nangyari kay shuai kung saan pinatahimik lamang nila ito.

Magugunitang, kada taon nagsasagawa ang WTA ng sampung torneo sa nasabing bansa.

Nasilat nang Denver Nuggets ang Miami Heat sa iskor na 120-111.

Dahil dito, natuldukan ang anim na sunod na talo ng Nuggets.

Mayroon nang sampung panalo at sampung talo ang koponan ngayong bagong season.

Samantala, nalasap naman ng miami ang  ika -walong talo habang nanatili sila sa labing tatlong record na panalo kung saan kabilang sila sa mga top teams sa eastern conference.

Irerespeto ng Philippine Athletics Track and Field Association o PATAFA ang anumang imbestigasyon ng Board Committee sa kuwestiyunable umanong liquidation at hindi pagbabayad nang tama ni 2020 Tokyo Olympian Ernest Obiena sa kanyang Ukrainian coach na si Vitaly Petrov.

Ayon kay PATAFA President Philip Juico, bago sila maglabas ng mga pahayag ay hihintayin muna nila ang magiging resulta ng imbestigasyon.

Nakatutok anya sila sa issue at ipinauubaya muna nila ito sa Philippine Sports Committee at Games And Amusement Board.

Namagitan na ang Philippine Sports Commission sa PATAFA at kay Obiena habang inatasan na rin silang manahimik muna habang inaalam ang katotohanan at kailangang maayos ang gusot. —sa panulat ni Drew Nacino

Nagwagi sa NBA ang Cleveland Cavaliers kontra Orlando Magic sa iskor na 105-92.

Naging tabla ang iskor ng dalawang koponan sa una at ikalawang quarter pero hindi nagpatinag ang Cavs kaya nagawa nitong lampasuhin ang Magic sa ikatlo at ika-apat na quarter.

Nanguna sa panalo ng Cavs si Darius Garland na nakapagtala ng 26 points, 4 rebounds at 11 assists habang nakaambag din sa koponan si Lauri Markkanen ng dalawampung puntos na may limang rebound.

Bukas ay makakalaban naman ng Cavaliers ang Dallas Mavericks, 9:30 ng umaga, oras sa ibang bansa. —sa panulat ni Angelica Doctolero

PINATAOB ng Utah Jazz ang New Orleans Pelicans sa score na 127-105 sa kanilang laro na ginanap sa Salt Lake City.

Sa isa pang laro, nasungkit ng Phoenix Suns ang 113-107 victory laban sa Brooklyn Nets habang pinadapa ng Minnesota Timberwolves ang Philadelphia 76ers sa score na 121-120.

Panalo rin ang Miami Heat laban sa Chicago Bulls (107-104).

NASUNGKIT ng Golden State Warriors ang 118-103 victory laban sa Portland Trail Blazers sa kanilang laro na ginanap sa San Francisco.

Bumida si Stephen Curry sa panig ng Warriors matapos kumamada ng 32 points.

Ito ang ika-sampung sunod na panalo ng Golden State sa kanilang home court.

Pinatawan ng 15,000 dollars na multa si Los Angeles Lakers Star Lebron James.

Kasunod na rin ito ng “obscene gesture” na ginawa ni James sa laban ng Lakers sa Indiana Pacers.

Habang nasa halos dalawang minuto na lamang sa fourth quarter kung saan umiskor ng 3 points si James dahilan kaya’t umabante ang Lakers kontra Pacers. Gumawa ang NBA superstar ng obscene gesture.

Una nang nasuspindi si James ng isang laro matapos niyang banatan si Isaiah Stewart ng Detroit Pistons dahilan kayat dumugo ang mukha nito.

Inalmahan ni James ang nasabing one game ban na tinawag nitong “some bull _ _ _ _ ..dahilan kaya’t balaan siya ng NBA laban sa paggamit ng foul language.

Inilampaso ng Los Angeles Clippers ang Detroit Pistons sa score na 107-96 sa kanilang laro sa National Basketball Association (NBA).

Si Reggie Jackson ang nanguna sa Clippers sa pamamagitan ng kanyang 21 points habang nagdagdag naman si Terance Mann ng 16 points.

Nag-ambag naman si Paul George ng 12 points at five rebounds para sa Los Angeles.

Inamin ng kampo ng Filipino Olympic Pole Vaulter na si EJ Obiena na nakatanggap na ito ng kaliwa’t kanang offer na maglaro para sa ibang bansa.

Sa gitna ito ng kinakaharap na gusot sa pagitan ng 2019 Sea Games Gold Medalist at kanyang kinabibilangang Philippine Athletics Track and Field Association (PATAFA).

Ayon kay Jim Lafferty, mentor ni Obiena, bago pa lumutang ang mga alegasyon na pineke ng atleta ang kanyang liquidation documents at kabiguan umanong pa-swelduhin ang kanyang coach, mayroon ng mga nag-aalok.

Isa anya sa mga pinaka-sinusubaybayan sa larangan ng Track and Field si Obiena dahil mula sa World Ranking na number 30 ay lumundag ito sa 5^th Place kaya’t marami ang natatakot sa kanya.

Naniniwala si Lafferty na hindi imposibleng sumungkit ng gintong medalya sa malalaking kompetisyon ang Pinoy Pole Vaulter kaya’t pursigido ang ibang bansa na makuha ito.  —sa panulat ni Drew Nacino