SPORTS

Pinadapa ng Houston Rockets ang NBA TP team na Chicago Bulls sa iskor na 119-113.

Ito’y matapos wakasan ng Rockets ang kanilang labing limang sunod-sunod na pagkatalo sa naturang laro.

Nag-ambag si Danuel House Jr. gamit ang 18 points at 16 points at 10 rebounds naman si Christian Wood. Nakapagtala naman ng 11 points sa unang quarter  ang Fil Am na si Jalen Green ngunit hindi na natapos ang game bunsod ng leg injury.

Habng nanguna naman sa Bulls si Zach Lavine na may 28 points, habang sina Lonzo Ball ay nagpakita ng 19 points, at kumamada ng 17 points at seven assists si Demar Derozan.

Target ng Gilas Pilipinas na masungkit ang 5 gintong medalya sa 2022 FIBA Asia Cup sa susunod na buwan.

Matatandaang kasama ang Gilas sa 16 na teams na nakapasok sa regional competition para sa torneo at para mawakasan na ang tatlumput anim na taon na pagka-uhaw sa kampeonato ng bansa matapos ang huling naging panalo nito sa FIBA Asia Cup noong 1985 edition sa Kuala Lumpur.

Nabatid na sa buwan ng Disyembre ay malalaman na ng Gilas Pilipinas kung anong bansa ang kanilang makakaharap sa 2022 FIBA Asia Cup na magaganap sa July 12 hanggang 24, 2022.  —sa panulat ni Angelica Doctolero

Balik laro bilang bahagi ng kuponang Nueva Ecija Rice Vanguards si Marc Pingris o mas kilala ng PBA fans sa tawag na ‘Pinoy Sakuragi’ upang maglaro sa Maharlika Pilipinas Basketball League (MPBL) Invitational Cup.

Kinumpirma ito ng coach ng nasabing kuponan na si Charles Tiu.

Aniya, magsisimula ang Torneo sa disyembre 11, pitong buwan matapos ianunsyo ng dating manlalaro ng Magnolia Hotshot ang pagreretiro sa PBA.

Matatandaang ang kwarenta anyos na si pingris ay naglaro ng 16 na taon sa PBA at naging nine-time champion at two-time MVP sa PBA finals. —sa panulat ni Airiam Sancho

Target ng Pilipinas na sungkitin ang gintong medalya sa Sea Games sa susunod na taon.

Kasunod ito ng pagkapanalo ng Philippine Bowling Federation sa IBF Super World Championship na ginanap sa Dubai.

Kumpiyansa si PBF Secretary General Bong Coo na maiuuwi ng men’s at women’s team ang panalo sa May 2022.

Matatandaang nagpakita ng magandang performance ang Pilipinas sa Dubai sa kabila ng kanilang limitadong ensayo bunsod ng pandemic.

Sinibi pa ni Coo, na kanilang aagahan ang pag-eensayo ng mga atleta para paghandaan ang Sea Games. —sa panulat ni Angelica Doctolero

Inamin ng Philippine Athletics Track and Field Association (PATAFA) na mula sa iba’t ibang source at hindi sa pederasyon ang ipinambayad sa coach ng olympian at pole vaulter na si Ernest John (EJ) Obiena.

Ayon kay PATAFA President Philip Juico, kabilang na rito ang dalawang galing sa Arab Bank na ginamit din sa mga naunang transaksyon.

Mayroon din umanong mula sa bangko ng Germany at meron ding galing mismo sa ina ng pole vaulter.

Una nang itinanggi ni Obiena na palsipikado ang mga liquidation na kaniyang isinumite sa National Sports Body.

Inanunsiyo ng National Basketball Association (NBA) na sinuspinde ng isang laro si Lakers superstar-forward shooting guard, Lebron James.

Ito’y matapos tamaan ng siko sa mukha si Detroit Pistons Center Isaiah Stewart sa kanilang mainit na laban kung saan, nag-git-gitan ang dalawa para sa kanilang posisyon sa free throw situation sa ikatlong quarter na ginanap sa Madison Square Garden sa New York.

Sinubukan pa silang awatin ng kanilang team mate pero hindi umano nagpa-awat si Stewart.

Dahil dito, sinuspinde din ng dalawang laro si Stewart matapos patawan ng two technical fouls dahil sa pagpapalala nito ng tension sa court at patuloy na agresibong pununugod kay Lebron kahit pa pumagitna o umawat na ang mga opisyal ng NBA.

Ayon pa sa NBA, masasayang ang sweldo ni Lebron na nagkakahalaga ng 284,000 dollars habang si Stewart naman ay mawawalan ng 45,000 dollars. —sa panulat ni Angelica Doctolero

Dapat nang resolbahin ng Philippine Sports Commission ang hidwaan sa pagitan nina 2021 Olympian Pole Vaulter Ernest John ‘EJ’ Obiena at ng Philippine Athletics and Track and Field Association (PATAFA).

Ito ang panawagan ng malakanyang kaugnay sa akusasyon ng patafa na hindi umano binabayaran ni Obiena ang kanyang Ukrainian coach na si Vitaly Petrov sa nakalipas na tatlong taon.

Ayon kay Acting Presidential Spokesman at Cabinet Secretary Karlo Nograles, inaasahan nilang magiging mas proactive pa ang PSC Kasabay ng pag-monitor nila sa developments sa issue.

Magugunitang ipagpaliban ng Senado ang deliberasyon ng panukalang budget ng PSC para sa taong 2022 dahil sa ”wait-and-see approach” nito sa gusto nina Obiena at ng PATAFA.

Samantala, tiniyak naman ng Philippine Olympic Committee na iimbestigahan nila ang nabanggit na issue. —sa panulat ni Drew Nacino

Pinataob ng Los Angeles Lakers ang Detroit Pistons sa iskor na 121-116 sa NBA.

Lumamang sa unang quarter ang Lakers pero nabawi ito ng Pistons sa ikalawa at ikatlong kwarter.

Hindi naman nagpatinag ang Lakers at muling naagaw ang panalo sa huling kwarter.

Nanguna sa koponan si Anthony Davis na nakapagtala ng 30 points, 10 rebound na may 6 assists at Russell Westbrook na pumuntos naman ng 26 na may 9 na rebound at 10 assists habang nasayang naman ang ginawang 36 points ni Jerami Grant ng Pistons.

Samantala, abangan naman bukas, November 24, 8:30am, oras sa ibang bansa ang susunod na laro ng Lakers kung saan, kanilang makakalaban ang New York Knicks. —sa panulat ni Angelica Doctolero

Nagbanta ang Women’s Tennis Association na hindi itutuloy ang kanilang torneyo sa China.

Bunsod ito ng umano’y hindi pa inaaksyunang issue ng sexual assault ng isang dating opisyal ng china sa dating tennis world champion na si Peng Shuai (shway).

Ayon kay WTA Chief Executive Steve Simon, kapag hindi sila nakuntento sa imbestigasyon ng China sa alegasyong sexual assault ni Peng Shuai laban kay dating vice primier Zhang Gaoli.

Ilang milyong dolyar din aniya ang mawawala sa China kapag ini-atras ang nasabing torneo.

Nitong Oktubre ay isiniwalat ng chinese tennis superstar sa social media na inalok ito na makipagtalik noon kay Gaoli. —sa panulat ni Drew Nacino

HINDI nakaporma ang Sacramento Kings sa Utah Jazz matapos sungkitin ang 123-105 victory sa kanilang laro sa NBA o National Basketball Association.

Sa iba pang laro, naitala naman ng Portland Trail Blazers ang kanilang ikatlong sunod na panalo nang ilampaso nito ang Philadelphia 76ers sa score na 118-111.

Panalo rin ang Minnesota Timberwolves kontra Memphis Grizzlies sa score na 138-95.