INILAMPASO ng Milwaukee Bucks ang Orlando Magic sa score na 117-108 sa kanilang laro sa NBA o National Basketball Association.
Si Giannis Antetokounmpo ang nanguna sa Bucks sa pamamagitan ng kanyang 32 points habang nagdagdag naman si Bobby Portis ng 24 points.
Sa isa pang laro, wagi rin ang Boston Celtics laban sa Oklahoma City Thunder sa score na 111-105.
LUMUTANG sa social media ang ilang ‘unverified photos’ ni Chinese tennis star Peng Shuai matapos mapaulat ang pagkawala ng atleta dahil sa nabunyag na sexual assault case laban kay Communist Party grandee Zhang Gaoli.
Matatandaang iniulat na nawawala o missing si Peng ilang araw makaraang isiniwalat ng tennis player na pinuwersa siyang makipagtalik ni Gaoli.
Agad namang nanawagan ang United Nations o UN sa China na maglabas ng katibayan na buhay at maayos ang kalagayan ng atleta.
Sa post naman ng isang state-affiliated journalist, makikita ang larawan ni Peng habang may hawak na laruan na hango mula sa pelikulang Kung Fu Panda at may isa pang imahe ni Winnie the Pooh sa background.
Samantala, wala pang kumpirmasyon ang ilang mamamahayag kung ‘verified’ ang mga larawan na mula rin umano mismo sa mga kaibigan ng Chinese tennis star.
PINADAPA ng Golden State Warriors ang Detroit Pistons sa score na 105-102 sa kanilang laro sa National Basketball Association (NBA).
Si Jordan Poole ang nanguna sa Warriors matapos kumamada ng 32 points.
Sa isa pang laro, nasungkit naman ng Charlotte Hornets ang kanilang ikalimang sunod na panalo matapos pataubin ang Indiana Pacers sa score na 121-118.
Humiling ng katibayan ang United Nations (UN) na buhay pa si Chinese tennis star Peng Shuai matapos mapaulat na nawawala ito kasunod ng isiniwalat nitong sexual assault allegations laban kay dating vice-premier Zhang Gaoli.
Kasabay nito, nanawagan ang UN Human Rights Office ng malalimang imbestigasyon kaugnay ng ibinunyag ng dating Grand Slam doubles champion laban sa dating opisyal.
Giit ng UN, mula nang magsalita si Peng sa social media ukol sa umano’y pangmomolestiya sa kanya ni Zhang ay hindi na ito nakita muli sa publiko.
Lalarga na ang PBA 3 on 3 sa Ynarest Sports Arena, sa Pasig City, mamaya.
13 koponan ang magsasalpukan sa naturang torneyo, kabilang ang 10 counterpart ng kanilang PBA teams habang tatlo ang guest team.
Hahatiin ang mga team sa tatlong grupo sa preliminary round na mag-uumpisa mamayang alas 2 ng hapon.
Buena manong magbabanggaan ang Limitless Appmasters, Purefoods at TJ Titans habang mamayang alas 2:25 ang Zamboanga Valientes at Platinum Karaoke sa Pool A.
Maghaharap naman sa Pool B ang Barangay Ginebra at Sista Super Sealers alas 2:50 at Cavitex Braves kontra Pioneer Pro Tibay,alas 3:15. —sa panulat ni Drew Nacino
Papalitan na ang dating panuntunan ng International Olympic Committee (IOC) para sa paris 2024 olympics.
Sa 2015 guidelines pinapayagan ang mga atletang transgender na makapaglaro base lamang sa kanilang testosterone level.
Sinabi ni Kaveh Mehrabi, Direktor ng IOC athletes department, inabot ng dalawang taon bago ma-pag-pasiyahan ang bagong panuntunan.
Mahalaga aniya ang pakikipag-usap kasama ang 200 at 50 stakeholders kaysa bumase sa konklusyon.
Ang bagong panuntunan ay naglalaman ng sampung prinsipyo na nagsasaad ng paggalang sa karapatang pantao.—sa panulat ni Joana Luna
Bigo ang pambato ng Pilipinas na si Junna Tsukii sa 2021 World Karate Federation Senior World Championship sa Dubai.
Hindi nakaporma ang 30 taong gulang sa pambato ng Uzbekistan na si Bakhriniso Babaeva sa second round 2-3.
Dahil sa pagkatalo, hindi na rin ito nakapasok sa repechage round na siyang makapagbigay sana sa kaniya ang tsansa para matapos ang podium.
Bago kasi ang pagkatalo ay nagwagi si Tsukii sa majority decision laban kay Sara Radicevska ng North Macedonia.
Pinataob ng Phoenix Suns ang Dallas Mavericks sa iskor na 105 – 98.
Nahati, ang naging panalo ng dalawang koponan kung saan, lumamang sa 1ST quarter ang Suns habang naagaw naman ng Dallas ang 2nd at 3RD quarter nito pero agad din itong nabawi ng Suns dahilan ng kanilang pagkapanalo.
Nanguna sa koponan sina Devin Booker na nakapagtala ng 24 points at 9 rebounds at Deandre Ayton na may 19 points, 13 rebounds at 2 assists.
Abangan naman bukas, Nobyembre a-20, sa ganap na alas-onse ng umaga oras sa ibang bansa ang muling paghaharap ng dalawang koponan. —sa panulat ni Angelica Doctolero
Muling nagpakitang gilas ang nagbabalik manlalarong si Jimmy Butler sa triple-double performance nito upang manaig ang Miami Heat laban sa New Orleans Pelicans sa final score na 113-98.
Umiskor si Butler ng 31 points, 10 rebounds at 10 assists na nagpaganda sa rekord ng Miami Heat na 10 wins-5 loss.
Magugunitang hindi nakasalang sa court si Butler na umabot ng tatlong laro dahil sa natamong injury sa bukong-bukong.—sa panulat ni Joana Luna
Sinuspinde at pinagmulta ng 100,000 yen o katumbas ng mahigit 43,000 si Thirdy Ravena matapos masira ang sponsor signboard ng Toyama Grouses.
Ayon sa koponan, nagbunsod ang suspensiyon kay Ravena ng magpakita ito ng hindi magandang ugali sa pagkatalo nila nitong linggo laban sa Toyama Grouses ng Basketball League ng Japan.
Nangyari ito ng hindi naipasok ni Ravena ang kaniyang free-throw sa huling segundo ng laro para maitabla sana ang laro 90-89.
Naiyak si Ravena at dahil sa emosyon ay nasira niya ang signboard ng nakalabang koponan.
Nagbigay naman ng payo ang koponan para kay Ravena na pag-aralang mabuti bawat kilos na ipinapakita lalo na sa paglalaro.
Samantala, humingi naman ng paumanhin ang filipino player dahil sa ipinakita nitong maling asal.