SPORTS

Parehong nagwagi sa Eastern and Western Conference ng NBA ang utah jazz at Los Angeles Clippers.

Unang nagwagi ang Jazz kontra Philadelphia 76ers sa iskor na 120-85.

Tinambakan ng Jazz ang 76ers sa 1^ST  hanggang 4^TH  quarter kung saan, nanguna sa koponan si Bojan Bogdanovic na nakapagtala ng 27 points, 6 rebounds at 2 assists at Jordan Clarkson na may 20 points, 7 rebounds at 1 assist dahilan para maitala ang ika-9 nilang panalo sa konperensya.

Samantala, nilampaso naman ng Los Angeles Clippers ang San Antonio Spurs sa naganap na 6^th Western Conference ng NBA sa iskor na 106-92.

Nagwagi sa una, ikatlo at ika-apat na quarter ang Clippers matapos manguna si Power Forward Paul George na pumuntos ng 34 na may 9 na rebound at 4 na assists.

Abangan naman bukas, ang paghaharap ng Jazz at Toronto Raptors alas-diyes ng umaga, oras sa ibang bansa habang makakalaban naman ng Clippers ang Memphis Grizzlies bukas ng alas nuebe ng umaga. —sa panulat ni Angelica Doctolero

Gaganapin ang NBA Preseason games sa United Arab Emirates (UAE) sa susunod na taon.

Ayon kay NBA Deputy Commissioner at Chief Operating Officer Mark Tatum, ito ang kauna-unahang pagkakataon na isasagawa ang laro sa UAE.

Dagdag pa ni Tatum, ang dalawang exhibition games sa Abu Dhabi ay ang paraan ng NBA upang ipakita na lumalawak na ang larong basketball sa buong mundo.

Unang naisakatuparan ang Official Overseas games noong 1978 matapos bumiyahe ng Washington Bullets sa Israel para makalaban ang Maccabi Tel Aviv team.—sa panulat ni Joana Luna

Magpapatupad ng “no vaccine, no entry” ang Philippine Sports Commission sa mga empleyado, atleta at mga opisyal na pupunta sa training.

Kasunod ito ng pag-apruba sa resumption o pagpapatuloy ng training sa ilang piling national team sa Rizal Memorial Sports Complex, Philippine Sports Complex, at Baguio Training Camp kasabay ng pag-apruba ng safety guidelines na siyang ipapatupad sa oras na magbalik ang mga atleta.

Ini-evaluate narin ang mga pasilidad na gagamitin ng mga manlalaro at nakikipag-ugnayan na rin ang PSC sa mga local government units  para masigurong maipatutupad ang health and safety measures. —sa panulat ni Angelica Doctolero

Nakabawi ang Boston Celtics kontra Cleveland Cavaliers sa 9^th eastern conference ng NBA sa iskor na 98-92.

Nilampaso ng Celtics ang Cavs sa 2^ND  hanggang 4^TH  na quarter dahilan ng kanilang pagkapanalo.

Nanguna sa koponan si Jayson Tatum na nakapagtala ng 23 points, 8 rebound at 8 assists.

Nakaambag din sa Celtics sina Al Horford na may 17 puntos, Marcus Smart at Dennis Schroder na parehong pumuntos ng 14.

Abangan naman bukas ang susunod na laro ng Celtics kung saan, kanilang makakalaban ang Atlanta Hawks. —sa panulat ni Angelica Doctolero

Muling bubuksan ng Philippine Sports Commission ang kanilang pasilidad para sa training ng national teams simula January 10.

Ito’y bilang preparasyon para sa Hanoi Southeast Asian Games at Huangzhou Asian Games sa susunod na taon.

Ayon sa PSC, aprubado na ng board ang balik-ensayo ng mga national athlete sa Rizal Memorial Sports Complex sa Maynila, Philsports Complex sa Pasig at Baguio Training Camp.

Nakikipag-usap na rin ang komisyon sa IATF At local government units kaugnay sa pasilidad upang matiyak na lahat ng health protocols sa gitna pa rin ng Covid-19 pandemic.

Itoy dahil ang Covid-19 facilities sa Philsports at Rizal ay nananatiling operational. —sa panulat ni Drew Nacino

Pinagmumulta ng National Basketball Association (NBA) ang Minnesota Timberwolves ng $250,000 matapos magsagawa ng pre-season training camp sa Miami.

Ayon sa NBA, nilabag ng timberwolves ang panuntunan na nagbabawal sa mga manlalaro na magsanay at mag-ehersisyo sa labas ng kanilang team’s home market.

Napag-alaman ring bumisita ang timberwolves sa Miami para sa mga events kabilang na ang house party ng bagong minority owner na si Alex Rodriguez.

Base sa mga ulat ng US Media, ang biyahe ng grupo ay binayaran ng dating Major League Baseball Star na si Rodriguez at business partner nitong si Marc Lore na kapwa sumali sa Timberwolves Ownership Group Deal, at inaasahang kokontrol sa koponan sa 2023. —sa panulat ni Joana Luna

Parehong nagwagi ang Los Angeles Lakers at Brooklyn Nets sa Western at Eastern Conference ng NBA.

Unang nagwagi ang Lakers kontra San Antonio Spurs sa iskor na 114-106 sa naganap na 7^th Western Conference kahapon.

Tinambakan ng Lakers ang Spurs sa 1^ST  at 3^RD  quarter ng game kung saan, nanguna sa koponan si Anthony Davis na nakapagtala ng 34 points, 15 rebounds at 6 assists dahilan para maitala ang ika-8 nilang panalo sa laro.

Samantala, nilampaso naman ng Brooklyn Nets ang Oklahoma City Thunder sa naganap na 2^nd Eastern Conference ng NBA sa iskor na 120-96.

Hindi nakabawi ang Thunder sa una hanggang sa huling quarter game matapos makapagtala si Shai Gilgeous-Alexander ng 23 points, 6 rebounds at 2 assists  dahilan para umabot na sa 10 ang panalo ng Nets na may 4 na talo.  —sa panulat ni Angelica Doctolero

2 pang veteran player ang posible umanong i-trade ng San Miguel Beermen.

Ayon sa source, nasa PBA office na umano ang papel nina Chris Ross at Marcio Lassiter at hinihintay na lamang ang approval ni Commissioner Willie Marcial.

Nauna nang binitawan ng Beermen si Arwind Santos na 12 taong naglaro sa SMB at itinrade sa Northport Batang Pier.

Aminado si Arwind na walang permanente sa mundo at magkikita kita pa rin naman sila sa court pero sa pagkakataong kalaban na niya ang dating team.

Pagkatapos ni Santos, pinadala naman si Alex Cabagnot sa Terrafirma Dyip kapalit ni Simon Enciso.  —sa panulat ni Drew Nacino

Suportado ng Philippine Basketball Association ang Gilas Pilipinas na naghahanda ngayon para sa FIBA World Cup Qualifiers, Vietnam 31^st Southeast Asian Games at China 19^th Asian Games para sa 2022.

Sinabi ni PBA Chairman Victorico “Ricky” Vargas, na hindi nila pababayaan ang nasabing koponan at nananatiling bukas ang pintuan ng liga sa partisipasyon ng Gilas bilang guest team sa bubuksang 46^th PBA Governors Cup ngayong buwan.

Matatandaang hati ngayon ang Gilas team matapos ang naging imbitasyon sa ilang mga players ng Japan B-League at T1 League sa Taiwan. —sa panulat ni Angelica Doctolero

Sasabak ang 4 na pinoy mixed martial artists sa isang kompetisyon na gaganapin sa Singapore.

Magpapakitang gilas ang 4 na manlalaro sa lalahukang ONE: Winter Warriors II kung saan, kabilang sa mga mma player ay sina Jhanlo Sangiao na anak ni team Lakay head coach Mark Sangiao, former Brave CF Bantamweight Champion Stephen Loman, ONE Bantamweight World Champion Kevin Belingon at One-time world title challenger at ONE Flyweight grand prix grand finalist na si Danny Kingad.

Sa ngayon wala pang petsa kung kailan maglalaro ang 4 na pinoy mma.  —sa panulat ni Angelica Doctolero