SPORTS

Sa kabila ng 26 na puntos na naitala ni Thirdy Ravena, bigo pa rin ang San-En NeoPhoenix sa kamay ng Toyama Grouses sa score na 90-89.

Maliban dito, nakapagtala rin si Ravena ng siyam na rebounds, limang assists, at tatlong steals sa kanilang laro sa Japan B. League na ginanap sa Toyama City Gymnasium.

Ang isa pang Pinoy na si Dwight Ramos ay bumida naman sa panig ng Toyama matapos kumamada ng 16 points, 10 rebounds, at 3 assists.

Dahil dito, taglay na ngayon ng Grouses ang 4-10 record sa West Division.

Pinadapa ng Cleveland Cavaliers ang Boston Celtics sa score 91-89 sa kanilang laro sa NBA.

Kumamada si Darius Garland ng 22 points habang nagdagdag naman si Evan Mobley ng 19 points para sa Cavs.

Samantala, si Dennis Schroder naman ang nanguna sa Boston matapos humakot ng 28 points habang nag-ambag naman si Jayson Tatum ng 21 points.

Pinahiya ng Azkals Development Team (ADT) ang Mendiola FC sa kanilang laban sa PFF Training Center sa Carmona, Cavite.

Dahil dito, pasok na ang Azkals sa semifinals ng Copa Paulino Alcantara.

Bukod dito, naitala rin ng koponan ang kanilang best game sa torneo nang tapusin nito ang preliminary campaign taglay ang kartadang 1 panalo, walang draw, at 1 talo.

Magbabalik sa aksiyon ang Azkals sa November 16 para sagupain ang Stallion Laguna FC na siyang top seed sa Group A.

Isa nang ganap na doktor ang dating De La Salle Lady Spiker na si Mika Esperanza.

Ito’y matapos pumasa si Esparanza sa 2021 Physician Licensure Exam.

Matatandaang naging bahagi si Esperanza ng DLSU champion team na nakasungkit ng korona sa UAAP Season 78 women’s volleyball.

All systems go na, anuman ang mangyari, para sa Inaugural 3-on-3 Season ng pba sa Ynares Sports Arena sa Pasig City, sa susunod na Sabado, Nobyembre 20.

Ang PBA 3 on 3 Tournament ay six-leg, three-conference format na katatampukan ng tatlong grand finals.

Aminado si Tournament Director Joey Guanio na nakalatag na ang contingency plans sakaling ibalik ang Metro Manila sa level 3 pagsapit ng November 21.

Kabilang sa mga pasok sa listahan ng lineups ng 13 kalahok na team sina Veterans Mac Cardona, Larry Fonacier, Dylan Ababou, Matt Salem, Val Acuña at La Revilla.

Ang 13 teams ay ang Barangay Ginebra, TNT, Northport, Sista Super Sealers, Meralco, Platinum Karaoke, Cavitex, Zamboanga Valiente, Terrafirma, Pioneer Pro Tibay, Limitless App, Purefoods at San Miguel Beer. —sa panulat ni Drew Nacino

Nasungkit ni reigning US Open Champion Carlo Biado ang ikalawang sunod na panalo nito matapos pangunahan ang Filipino March’s sa knock-out round ng Abu Dhabi Open 9-ball championship sa United Arab Emirates.

Naipanalo ni Biado ang unang laban nito kontra UAE hometown bet Mohamad Elijeffrey at sa kababayang si Arnel Bautista sa iskor na 9-7,  upang selyuhan ang kanyang pwesto sa last-16.

Kung saan inaasahang maiuwi ni Biado ang P273,000 libong pisong halaga na title prize.

Samantala, umabante rin si Roland Garcia na isa ring Philippine Pool Master, nang talunin nito ang Jordanian Player na si Alkhouri Ghaith sa iskor na 9-1 .

Sa huling ulat, patungong two for two at progressing din ang mga Filipino Cue Artists na sina Israel Rota, Armand Cagol, Jhay Miranda at Harry Vergara.—sa panulat ni Joana Luna

Nilampaso ng Los Angeles Lakers ang Miami Heat sa iskor na 120-117.

Ang paghaharap ng Lakers at Heat ay umabot ng overtime game kung saan namayani ang Lakers dito.

Ito’y sa kabila na hindi nakalaro ang kanilang star player na si Lebron James dahil sa problema sa abdominal muscle.

Sa kabilang banda, minalas naman ang Miami nang dumanas ng sprained ankle sa first half pa lamang ang kanilang main man na si Jimmy Butler.

Habang nagpakitang gilas ng husto si dating MVP Russell Westbrook na nagtala ng triple double performance gamit ang 25 points, 14 assists, at 12 rebounds para sa ika-pitong panalo ng Lakers.

Nag ambag naman si Anthony Davis ng 24 points at 13 rebounds.

Sa Miami pinangunahan naman ni Bam Adebayo kung saan  nagtapos ito sa 27 points bago na-foul out.

Pinagmumulta ng National Football League (NFL) sina Green Bay Packer American Football Quarterback Aaron Rodgers at receiver na si Allen Lazard, matapos labagin ng dalawa ang COVID-19 health protocol ng dinaluhang party.

Sa imbestigasyon ng NFL, napag-alamang hindi pa bakunado sina Rodgers at Lazard nang umattend ang mga ito sa kanilang team’s party

Inaasahang makapagbabayad ng $14,650 ang dalawa.

Samantala, lumabas rin sa imbestigasyon ng NFL na may araw na hindi nagsusuot ng face coverings si Rodgers habang nasa loob ng packer’s facility.

Sinimulan ang pagsisiyasat sa team ng Green Bay Packer, matapos magpositibo si Rodgers sa sakit na Coronavirus at nang magsinungaling ito sa mga reporters patungkol sa kanyang vaccination status. —sa panulat ni Joana Luna

Pinataob ng Utah Jazz  ang Atlanta Hawks sa iskor na 110-98.

Binawi nila ito matapos ang dalawang magkasunod nilang talo.

Nagpakitang gilas naman si Jordan Clarkson matapos magtala ng 16 points kabilang na ang apat na three pointers.

Bukod kay Clarkson, isa pang Utah star na si Donovan Mitchell ay nagtapos ng 27 points upang ipatikim sa Atlanta ang ikalimang sunod na pagkapanalo.

Lalahok sa Probellum event sa dubai ang tatlong Pinoy boxers na gaganapin sa Disyembre 11 ngayong taon.

Kabilang sa mga boksingero ay sina John Riel Casimero na makakalaban si Paul Butler ng United Kingdom para sa WBO Bantamweight Belt.

Makakaharap naman ni Jayson Mama si Sunny Edwards ng Britanya para sa IBF Flyweight habang hinahanapan pa ng makakatunggali si Donnie Nietes na nauna nang lumaro at nasungkit ang unanimous decision laban kay Pablo Carillo ng Colombia..—sa panulat ni Angelica Doctolero