Sa kabila ng 26 na puntos na naitala ni Thirdy Ravena, bigo pa rin ang San-En NeoPhoenix sa kamay ng Toyama Grouses sa score na 90-89.
Maliban dito, nakapagtala rin si Ravena ng siyam na rebounds, limang assists, at tatlong steals sa kanilang laro sa Japan B. League na ginanap sa Toyama City Gymnasium.
Ang isa pang Pinoy na si Dwight Ramos ay bumida naman sa panig ng Toyama matapos kumamada ng 16 points, 10 rebounds, at 3 assists.
Dahil dito, taglay na ngayon ng Grouses ang 4-10 record sa West Division.