SPORTS

Pinirmahan na ni Pangulong Ferdinand “Bongbong” Marcos Jr., ang isang batas na nagbibigay kay Ginebra Import Justin Brownlee para maging isang Filipino citizen.

Batay sa House Bill 6624 o ang Republic Act 11937 na nilagdaan ni PBBM, isa nang mamamayan ng Pilipinas ang American basketball player na si Brownlee.

Ikinatuwa naman ng atleta, ang pagkakataong ibinigay ng pangulo at nangakong mas pagbubutihin pa ang paglalaro sa larangan ng pampalakasan para sa karangalan ng bansa.

Nakatakdang lumahok sa buwan Pebrero para sa ikaanim at huling window ng FIBA ​​World Cup Asian Qualifiers si Brownlee sa ilalim ng Gilas Pilipinas men’s basketball team laban sa Lebanon at Jordan na gaganapin sa Philippine Arena.

Tuluyan ng nagpaalam si Filipino-Canadian Matthew ‘Chew’ Daves sa pamunuan ng Manila Blue Eagles sa koponan upang lumipat sa professional level.

Sinabi ni Daves na ang kanyang susunod na hakbang ay para maging mas mahusay na basketball player at higit sa lahat ay mas maging mabuting tao.

Nagpasalamat naman si Daves sa Ateneo Community sa pagtanggap at pagsuporta nito sa 4 na taon at sinabing hindi niya malilimutan ang alaala sa unibersidad.

Sinuportahan naman ng Ateneo Team Manager na si Epok Quimpo ang desisyon ng atleta tungo sa  professional league. -Jenn Patrolla 

Tinambakan ng Philadelphia 76ers ang Detroit Pistons sa iskor na 147-116.

Nilampaso ng 76ers ang Pistons sa una hanggang sa ikatlong quarter matapos pangunahan ni Joel Embiid ng makapagtala ng 36 points, 11 rebounds at isang assist.

Nakaambag din sa koponan sina James Harden at Tyrese Maxey na parehong nakapagtala ng 16 points.

Abangan naman bukas ang susunod na laban ng 76ers kung saan, kanilang makakalaban ang Oklahoma City Thunder, alas-otso ng umaga oras sa Pilipinas.

Susubukan ng Barangay Ginebra na tapusin ang kanilang title clash laban sa Bay Area Dragons ngayong araw.

Mababatid na nasungkit ng Gin Kings ang game 5, dahilang upang manguna sa 3-2 series sa best-of-7 PBA Commissioner’S Cup Finals.

Inaasahan namang gagawa ng todo upang pigilan ang dragons na palawigin ang serye sa winner-take-all Game 7.

Samantala gaganapin mamayang alas-5:45 pm ang Game 6 ng gin kings kontra Bay Area Dragons sa Araneta Coliseum.

Tiyak nang didribol sa 2023 Southeast Asian games sa Cambodia si naturalized player Justin Brownlee mula May 5 hangang 17.

 Ayon ito ni Philippine Olympic Committee (POC) President Abraham Bambol Tolentino dahil siguradong nakumpleto na ni Brownlee ang mga dokumento nito bago magsimula ang sea games.

 Tiwala si Tolentino na mababawi ng Pilipinas ang kampeonato sa men’s basketball ng sea games sa pagsama kay Brownlee sa team.

Suportado ng UP Fighting Maroons basketball team ang desisyong paglipat sa professional league ng tinaguriang Rookie of the Year na si Carl Tamayo.

Kasunod ito ng anunsiyo ng atleta na kaniyang tinanggap ang alok na maglaro sa Japan B. League kung saan, aminado si Tamayo na ang UP umano ang nagbukas sakaniya ng mas maraming opotunidad.

Ayon sa UP Men’s Basketball Team, naiintindihan nila ang hangarin ni Tamayo na mapabilang sa international players kaya susuportahan nila ang desisyon nito.

Nilinaw din ng UP na bago pa maglaro si Tamayo sa UAAP ay nakatanggap na ito ng tawag o alok mula sa ibang bansa kaya kanilang irerespeto at pahahalagahan ang  maiksing pamamalagi nito sa UAAP noong Season 84 at 85.

Matatandaang sinabi ni Tamayo na isa sa kaniyang mga pangarap ang maging isang professional basketball player simula pa noong naglalaro pa lamang siya bilang “Organized Basketball Player.”

Kinumpirma ni Gilas Pilipinas Star Carl Tamayo maglalaro siya sa B.League ng Japan.

Ito’y matapos 3 taong pagiging kwalipikado sa Fighting Maroons sa University of the Philippines (UP).

Sinabi ni Tamayo na ang paglalaro niya sa UP ay nagbukas pa ng mas maraming oportunidad.

Inamin din ng basketball player na nakipag-usap siya sa UPMBT management, teammates,at sa coach nitong si Goldwin Monteverde maging sa kaniyang mga magulang kaugnay sa desisyon.

Dagdag pa ni Tamayo na pangarap niya maging professional basketball player simula noong naglalaro pa lamang siya sa “organized basketball”. – sa panunulat ni Jenn Patrolla. 

Nagbigay pugay o tribute ang Mixed Martial Arts (MMA) world sa pumanaw na MMA star na si Victoria “The Prodigy” Lee sa edad na 18.

Ayon kay Asia based one MMA Championship Chief Chatri Sityodtong, ikinalungkot niya ang pagkamatay ni Lee.
Si Lee ay mula sa pamilya ng champion sa MMA fighters.

Nabatid na ang mga kapatid nito na si Angela ay one championship atomweight world title habang si Christian naman ay one lightweight title holder.

Handa nang sumabak sa Australian open qualifiers si Filipino tennis sensation Alex Eala.

Makakasagupa ni Eala ngayong araw na ito si dating top 30 player Misaki Doi ng Japan.

Ang 17-year-old na Pinay ay ranked 215 sa Women’s Tennis Association samantalang ranked 172 ang 31-anyos na Japanese veteran.

Sinabi ni Eala na nasasabik siya sa nasabing laban at gagawin niya ang lahat para magtagumpay kontra kay Doi na dalawang beses nagwagi ng WTA 125 series titles sa San Antonio at Bastad.

Lalahok sa dalawang kompetisyon ang Ateneo De Manila University Blue Eagles player na si Dave Ildefonso.

Ito’y matapos makakuha si Ildefonso ng average na 12 points, 8.3 rebounds, at 2.7 assists sa nagdaang UAAP Season 85 kung saan, isa siya sa idineklarang mythical five ng liga.

Kabilang sa sasalihan ng atleta ang kompetisyon sa ilalim ng Suwon KT Sonicboom at ang Korean Basketball League (KBL).

Si Ildefonso ang magiging  Suwon’s Asian Quota Player, kung saan, ang Suwon ang nasa ika-7 spot ng  Ongoing Season na mayroong 13-15 slate.