SPORTS

Dismayado si Ginebra head coach Tim Cone matapos matalo ng Bay Area Dragon ang kanyang team sa iskor na 94-86 sa PBA Commissioner’s Cup Finals Series.

Sinabi Cone na nakuha na sana nila ang bentaheng 3-1 sa serye laban sa Bay Area Dragons na walang naglaro na import.

Sa partikular na laban, humakot ng 30 puntos si Kobey Lam.

Kasabay nito, nangako si Coach Cone na paghuhusayin pa ang kanyang koponan upang makuha ang pwesto sa Game 5 sa Mall of Asia Arena sa Pasay ngayong Enero 8. —sa panulat ni Jenn Patrolla

Nasungkit ng pambato ng Pilipinas na si Melvin Jerusalem ang WBO Strawweight Title matapos talunin ang nakasagupang Japanese national na si Masataka Taniguchi sa Osaka, Japan.

Napabagsak ni Jerusalem si Taniguchi sa loob ng dalawang round.

Nakapagtala ang pambato ng Pilipinas na ng 12 knockouts. Dahil dito, nakamit muli ng Pilipinas ang Boxing World Champion. —sa panulat ni Jenn Patrolla

Inilabas na ng FIBA Basketball World Cup 2023 Asian qualifiers ang presyo ng tiket para sa pinakahuling laban.

Batay sa anunsiyo ng samahan sa kanilang Facebook page, sa linggo ibebenta ang tiket para sa laban ng Gilas Pilipinas kontra Lebanon at Jordan sa ikaanim at huling window.

Pawang magaganap ang dalawang laro sa Philippine Arena sa Bocaue, Bulacan.

Ang courtside VVIP tickets ay nagkakahalaga ng 16,300 pesos habang ang Courtside VIP seats ay ibebenta ng 9,800 pesos.

Ang Patron section ng arena ay hahatiin sa tatlong seksyon na may iba’t ibang presyo, ito ay Gold, Silver, at Bronze.

Para naman sa mas murang upuan, ang lower box ay magbibigay ng libreng seating system, na nagkakahalaga ng 300 pesos habang ang mga general admission spot ay ibebenta sa halagang 100.

Nagwagi ang Los Angeles Lakers matapos patumbahin ang Miami Heat sa iskor na 112-109.

Nagawang lampasuhin ng Lakers ang Miami kahit wala ang kanilang superstars na sina LeBron James. Loonie Walker IV at Anthonis Davis.

Nanguna sa koponan si Dennis Schroder na nakapagtala ng 32 points habang nakapagtala naman ng tig-21 points sina Thomas Bryant at Russell Westbrook.

Samantala, abangan naman bukas ang susunod na laban ng Lakers kung saan, kanila namang makakaharap ang Atlanta Hawks alas-onse y medya ng umaga, oras sa Pilipinas.

Inihayag ng beteranong sports analyst na si Atty. Ed Tolentino na mukhang tinutumbok ng Japanese fight promoter na Rizin Fighting Federation ang muling laban ni Pambansang Kamao Manny Pacquiao kay Floyd Mayweather Jr.

Ayon kay Tolentino, bagaman kapwa retirado ang dalawang manlalaro, maaari itong pagharapin ng Rizin sa isang exhibition match.

Una rito, inanunsiyo ni Pacquiao na pumirma siya ng one-fight deal sa Rizin. Noong 2015, nakasagupa ni Pacquiao si Mayweather kung saan nagwagi ang Amerikano via unanimous decision.

Gusto sanang bumawi ng Pinoy fighter pero pareho na silang inabot ng retirement.

Pangungunahan ni pinoy pole vaulter EJ Obiena ang Asian Athletics Championships na nakatakdang ganapin sa Pebrero A-DIYES hanggang a-dose sa Nur Sultan, Kazakhstan.

Ayon kay Patafa Secretary General Edward Kho, magpapadala sila ng lean and mean team para sa Asian Indoor Athletics Championships kung saan, malaki ang kanilang tiwala na makakakuha ng mga atleta ang pinakamataas na posibleng puntos sa kompetisyon para sa karangalan ng Pilipinas.

Samantala, bukod kay Obiena, ibabandera din ang watawat ng Pilipinas nina olympian sprinter Eric Cray at Kristina Knott  para din sa kanilang unang foreign exposure ngayong taon.

Nabati na magiging abala ngayong taon ang mga national athletes para paghandaan ang tatlong malalaking tournament kabilang na dito ang 32nd Southeast Asian Games sa Cambodia na gaganapin sa Mayo; Asian Games sa Hangzhou, China na magaganap sa Setyembre; at ang Asian Indoor and Martial Arts Games sa Thailand na ikakasa sa Nobyembre.

Nakapagtala ng 55 points ang nba player na si Giannis Antetokounmpo sa laban ng Milwaukee Bucks kontra Washington Wizards sa iskor na 123-113.

Si Antetokounmpo ay naging ika-4 lamang na manlalaro sa kasaysayan ng NBA na may 3 magkakasunod na laro na hindi bababa sa 40 points, 10 rebounds at 5 assist, kasama sina Russell Westbrook, Elgin Baylor at Wilt Chamberlain.

Maliban dito, nagdagdag din si Brook Lopez ng Milwaukee ng 21 points at 12 rebounds habang ang reserbang si Bobby Portis ay may 17 points at 13 rebounds para sa bucks.

Samantala, matapos ang laro, binuhusan ng ilang kanyang team mates si Antetokounmpo para sa pagkapanalo ng kanilang koponan.

May bago nang head coach ang PLDT High Speed Hitters para sa laban ng koponan sa Premier Volleyball League.

Pagkumpirma mismo ng team, si Rald Ricafort ang hinirang na bagong gagabay sa koponan matapos ang apat na taong trabaho sa Petro Gazz.

Si Ricafort ang nagpanalo noong Disyembre sa Gazz Angels para sa laban nito sa  2022 PVL Reinforced Conference.

Maliban sa pagiging coach ng PLDT, head coach din si Ricafort ng University of the Philippines men’s volleyball team, at assistant sa women’s volleyball team.

Katulad ni Justin Bronwlee, nais ding mapabilang sa pagiging naturalized Filipino ni Russian Skater Aleksandr Korovin.

 Ayon sa atleta, handa siyang gawin ang mga proseso para maging naturalized Filipino citizen.

 Nabatid na sa naging pahayag ng skating pairs partner ni Aleksandr na si Isabella Gamez na isa namang Filipino-American, nais nilang mag-qualify sa 2026 Winter Olympics na gaganapin sa Milan, Italy na magbibigay ng karangalan sa Pilipinas.

 Matatandaang nito lamang buwan ng Disyembre, nagtanghal ang dalawa sa “Carols on Ice,” ang musical Christmas ice show na inorganisa ng Philippine Skating Union.

Nakapagtala ng 71 points ang three-time NBA All-Star na si Donovan Mitchell sa laban ng Cleveland Cavaliers kontra Chicago Bulls.

Ito ang pinakamataas na puntos sa kasaysayan ng NBA, sumunod  sa 81 points ni Kobe Bryant noong January 2006.

Ang pagganap din ni Mitchell ay nagtakda ng Cavaliers franchise record, ay tumabla sa ikawalong pinakamaraming puntos sa isang laro sa NBA, at inilagay kasama ng limang iba pang manlalaro upang makaiskor ng 71 points o higit pa sa isang laban