SPORTS

Nalusutan ni Defending Champion Naomi Osaka ang matinding hamon mula kay Colombian Star Camila Osorio upang umusad sa 2^nd round ng Australian Open sa score na 6-3, 6-3 sa Rod Laver Arena.

Pursigido ang Japanese Player na dating World Number 1 na sungkitin ang panalo matapos umarangkada sa 5-0 lead sa opening set pero unang hold ng serve ang nagpasigla kay Osorio na nagsimulang humabol sa lahat ng ibinato ni Osaka.

Kinailangan ni Osaka na mag-save ng dalawang break points upang hawakan ang serve sa unang set bago manaig sa bagitong World Number 50 sa kanyang mga agresibong shot mula sa baseline.

Gagamit na ng mga robot ang mga organizer na kikilos para sa 2022 Beijing Winter Olympics na gaganapin sa susunod na buwan.

Ito ay para maiwasan ang interaksiyon at hawahan ng COVID-19 sa mga atleta, coaches at mga staff sa naturang kompetisyon.

Magsisimula ang multi-sporting event sa Pebrero a-kuwatro hanggang a-bente kung saan, tampok dito ang 109 na aktibidad.

Samantala, hindi naman papayagang makalahok ang mga atletang hindi bakunado habang ang mga vaccinated athletes naman ay isasailalim sa 21-days quarantine.—sa panulat ni Angelica Doctolero

Tuluyan nang ipinadeport ng Australia ang tennis superstar na si Novak Djokovic matapos mabigo sa kanyang Legal Battle hinggil sa desisyon na kanselahin ang kanyang Visa dahil sa kawalan ng bakuna kontra COVID-19.

Unanimous ang ruling ng 3 hukom ng Victoria Federal Court dahilan upang maputol ang pangarap ng Serbian player na sungkitin ang kanyang 21st grandslam win sa Australian Open na lalarga ngayong araw.

Ineskortehan ng mga immigration police si Djokovic sa Melbourne International Airport bago sumakay ng Emirates Flight patungong Dubai.

Bagaman aminado ang world’s number 1 tennis player ng men’s division na dismayado siya sa pasya ng korte, kanya itong igagalang.

Samantala, nanindigan ang Australian government na hindi nila maaaring kunsintihin si Djokovic na hindi bakunado dahil magiging malaki ang epekto nito sa sentimyento ng mga Australyano.

Sisimulan na ngayong araw ng Philippine National Karate Team ang Bubble-set up training bilang paghahanda sa 2021 Southeast Asian Games na isasagawa sa May 12 sa Hanoi, Vietnam.

Ayon kay Karate Pilipinas President Ricky Lim, papasok sa Buble training ng Philippine Sports Commission (PSC) Compound sa Teachers Camp sa Baguio City ang halos 75% ng National Team.

Sinabi ni Lim na ang iba pang mga atleta ay mananatili sa Isolation facility matapos makaclose contact ang mga COVID-19 positive cases sa Metro Manila.

Una nang ini-schedule noong January 5 ang naturang training pero naantala ito upang makapagpahinga pa ang ibang manlalaro mula sa nagdaang Torneo ng 2021 Asian Karate Championships na idinaos sa Kazakshtan noong December kung saan, nasungkit ng bansa ang 4 na medalya.  —sa panulat ni Angelica Doctolero

Pinataob ng Denver Nuggets ang Los Angeles Lakers sa kanilang laro sa NBA sa score na 133-96.

Humakot si Bones Hyland ng 27 points habang nagdagdag naman si Nikola Jokic ng 17 points para sa Nuggets.

Maliban dito, nakapagtala naman si Jeff Green ng 26 points habang nag-ambag din si Will Barton ng 12 points para sa Denver.

Pinataob ni Unbeaten Filipino Boxer Jade Bornea si Mohammed Obaddi sa ikatlong round ng International Boxing Federation (IBF) na ginanap sa Monterrey, Mexico.

Sa umpisa pa lamang ng laro ay kapansin-pansin na pinaulanan ni Borneo ng suntok ang kalaban.

Tumama ang uppercut nito sa 3rd round ng laban.

Dahil sa pagkapanalo, mayroon ng rekord na 17 panalo at walang talo si Borneo habang mayroong 22 panalo, dalawang talo, at 13 knockouts naman si Obaddi.

Samantala, nakahanay na si Bornea na maging katunggali sa IBF World Super Flyweight World Title na hawak ng pinoy boxer na si Jerwin Anjacas. —sa panulat ni Airiam Sancho

Pinataob ng Sacramento Kings ang Houston Rockets sa NBA sa iskor na 126-114.

Tinambakan ng Kings ang Rockets sa ikalawa hanggang ika-apat na quarter dahilan ng kanilang pagkapanalo.

Nanguna sa koponan si point guard De’arron Fox na nakapagtala ng 27 points, 6 rebounds at 8 assists habang nakaambag din sa kanilang panalo si center-power forward Marvin Bagley III  na nagpakawala ng 26 points, 13 rebounds, 1 assists.

Abangan naman bukas ang ikalawang paghaharap sa NBA court ng dalawang koponan alas-siete ng umaga, oras sa Pilipinas. –Sa panulat ni Angelica Doctolero

Nangibabaw ang Philadelphia 76ers laban sa Boston Celtics sa score na 111-99 sa kanilang laro sa National Basketball Association (NBA).

Kumamada si Joel Embiid ng 30 points habang nagdagdag naman si Tyrese Maxey ng 23 points para sa Sixers.

Sa panig ng Celtics, tumipa naman si Jaylen Brown ng 21 points habang nag-ambag si Jayson Tatum ng 20 points.

Mahigpit na minomonitor ng University Athletic Association of the Philippines (UAAP) ang training ng mga varsity player bilang pagtalima sa health and safety protocols na ipinatutupad ng pamahalaan sa gitna ng alert level 3.

Matatandaang pinayagan ng Commission on Higher Education (CHED) ang mga varsity team na magkaroon ng face-to-face training o ipagpatuloy ang kanilang training sa ilalim ng bubble set-up pero kailangan na ang mga atletang lalahok ay mga fully vaccinated.

Bukod pa dito, kailangan din na masunod ang ipinatutupad na guidelines na inaprubahan ng Local Government Units, CHED, DOH at IATF kabilang na dito ang RT-PCR test at rapid antigen test na may negatibong resulta.

Target ng UAAP na masimulan ang 84th season nito sa First Quarter ng 2022. —sa panulat ni Angelica Doctolero

Wagi sa NBA ang Sacramento Kings matapos tambakan ang Los Angeles Lakers sa iskor na 125-116.

Ito ay matapos makapagtala ang Kings ng 40 points sa ikatlong quarter ng laro kung saan, nanguna sa kanilang panalo si De’aaron Fox na nagpakawala ng 29 points, 4 rebounds na may 4 assists, at harrison barnes na nakaambag naman ng 23 points, 7 rebounds at 2 assists.

Abangan naman bukas ang susunod na laro ng Kings kung saan, kanilang makakalaban ang houston rockets na gaganapin alas-onse ng umaga, oras sa Pilipinas.