SPORTS

Pinataob ng Miami Heat ang Atlanta Hawks sa iskor na 115-91.

Ito’y kahit na 6 na sa mga Heat players ang hindi nakalaro dahil sa injuries at iba pa.

Bumida sa naturang laro  na si Tyler Herro na may kabuuang 21 points at 11 assists, na sinundan naman agad ni Caleb Martin na nag-ambag ng 18 points.

Sa kampo ng Atlanta nag-ambag ng puntos si John Collins na may 16 points at Trae Young na may 15 points.

Ito na ang ika-4 na panalo ng Heat mula sa kanilang huling 7 mga laro para iposte ang 26-15 record.

Magkakaroon ng bagong coach ang kuponang PLDT Home Fibr Power Hitters para sa Premier Volleyball League (PVL) Open Conference sa February 16.

Ito’y matapos na hindi magrenew ng kontrata ang dating coach na si Roger Gorayeb na siyang humawak sa kuponan sa loob ng walong taon.

Dahil dito, pamumunuan ni Mentor George Pascua ang nasabing team.

Maliban sa coaching staff ay may ilang bagong manlalaro rin ang papasok sa Power Hitters at isa na rito si Veteran Playmaker Rhea Dimaculangan.

Samantala, target ng nasabing grupo na malampasan ang Seventh Place Finish nito sa PVL Open Conference noong nakaraang taon.  —sa panulat ni Airiam Sancho

Nakatakdang operahan ang kaliwang tuhod ni Filipino Pole Vaulter Ej Obiena.

Ito’y kinumpirma ng kaniyang mentor na si Jim Lafferty kung saan aayusin ang meniscus ng nabanggit na atleta.

Sinabi pa ni Lafferty, hindi pa alam kung ilang bahagi ng tuhod ni Obiena ang kasama sa ooperahan.

Dahil dito, hindi makakapag ensayo si obiena dahil sa nalalapit na operasyon.

Samantala, nakatakdang sumabak sa init indoor meeting sa Karlshuhe, Germany na magaganap sa January 28.

Habang sasabak ulit ito sa asian indoor championship na gaganapin naman sa Kazakhstan mula February 11 hanggang 13.

Matapos ang hindi pagsali sa Australian Open Juniors, nakatakda ngayong lumaban si Alex Eala sa 25 dollars tournament sa Manacor.

Magaganap ang ITF Women’s World Tennis Tour sa Rafa Nadal Academy.

Si Eala ay nasa world rank na no.526 at kailangang dumaan sa qualifying para magkaroon ng slot sa second pro title.

Magsisimula ang qualifying game sa Linggo, January 16. — Sa panulat ni Abby Malanday

Walang ipatutupad na bawas-sweldo ang PBA sa mga player nito sa kabila ng indefinite suspension ng mga laro at scrimmages dulot ng COVID-19 pandemic.

Tiniyak ni PBA Commissioner Willie Marcial na magpapatuloy ang sahod ng mga manlalaro na malaking sakripisyo para sa mga team owner kaya humingi siya ng pasensya sa mga ito.

Umaasa naman si Marcial na magiging maayos na ang sitwasyon sa susunod na tatlo hanggang apat na linggo.

Sa ngayon anya ang karamihan sa mga PBA squad ay nagsasagawa ng non-scrimmage workouts para sa pitong grupo bawat session sa ilalim ng mahigpit na health at safety protocols.

Nauna nang nagpataw ang pro-league ng 20% cut sa suweldo sa mga player, coach, assistant coach, team manager at empleyado ng liga simula noong April 2021.

Gayunman, inalis ng PBA ang cut nang makuha ng mga koponan ang Go Signal na magsagawa ng full-contact na training sa iba’t ibang pasilidad sa Batangas.

Inihayag ni League Chairman Ricky Vargas na hindi maaring makalaro bilang local sa Philippine Basketball Association (PBA) ang mga naturalized Filipino players o yung mga adopted foreign players sa Pilipinas.

Kasunod ito ng pagpapahiwatig ng ilang foreign players kabilang na sina Andray Blatche at Marcus Douthit na kapwa naturalized centers at may intensiyong maglaro sa liga.

Matatandaang naging kinatawan si Blatche ng pilipinas sa dalawang  edisyon ng  Fiba Basketball World Cup habang naging import naman si Douthit ng Air21 noong 2012 at ng Blackwater noong 2015 at naglaro rin para sa gilas pilipinas sa ilang events, kabilang na ang fiba asia championship, Fiba Asia Cup, at Southeast Asian Games.

Ayon kay Vargas, nakikitaan nila ng oportunidad ang dalawang manlalaro kaya’t papayagan silang makapaglaro pero bilang imports lamang sa PBA dahil hindi pa umano bukas ang pinto ng pba para sila ay maging local players. —sa panulat ni Angelica Doctolero

Patuloy na umaasa ang mga atletang Pilipino kung kailan maipagpapatuloy ang kanilang pag-eensayo matapos ideklara ng Philippine Sports Commission (PSC) na ihinto muna ang lahat ng aktibidad matapos muling sumirit ang kaso ng COVID-19.

Ayon kay PSC Commissioner Ramon Fernandez, uunti-untiin nila ang pagpapasok at pagbabalik ng training ng mga atletang Pinoy pero hindi pa sa ngayon.

Samantala, balik pag-eensayo naman ang mga boksingero at karate sa Baguio habang pinayagan naman ang mga tri-athletes at duo-athletes para sa bubble training set-up.

Inihayag naman ng PSC na ang Philsports Complex sa Pasig, Rizal Memorial Sports Complex sa Maynila at Teachers Camp sa Baguio ang gagawing training areas para sa mga atletang naghahanda sa sea games na gaganapin may 12 hanggang 23 at Hangzhou Asia set na gaganapin naman sa Setyembre 10 hanggang 25.

Sa gitna ng COVID-19 surge sa bansa, target ng Premier Volleyball League na magsagawa ng 3 conference season na magsisimula sa Pebrero.

Determinado ang PVL na simulan ang season nito sa Open Conference sa February 16 tampok ang 10 teams sa Paco Arena Events and Sports Center sa Maynila o Royale Tagaytay sa isang bubble setup.

Magugunitang ginanap ng liga ang Bubble Open Conference noong nakaraang taon kung saan ang Chery Tiggo ang namuno sa 10-Team Field.

Ayon kay PVL President Ricky Palou, tatakbo ang Open conference ng 3 buwan na may parehong Single round Robin Preliminaries habang 2 bagong koponan ang inaasahang sasali sa Liga.

Hinahangad din ng Sports Vision na ilunsad ang PVL Asian Invitational mula July 2 hanggang August 7 sa hindi pa natukoy na venue, kung saan iniimbitahan ang pambansang koponan at dalawang foreign squad.

Umaasa ang PVL na tapusin ang taon sa pamamagitan ng pagbabalik ng reinforced conference mula October 1 hanggang November 29.

Nagwagi sa nba ang Minnesota Timberwolves kontra Houston Rockets sa iskor na 141-123.

Pinangunahan ni Center-Power Forward Karl-Anthony Towns ang koponan matapos makaambag ng 40 points, 9 rebounds at 7 assists habang nasayang naman ang 22 points, 8 rebounds at 3 assists ni Christian Wood Ng Rockets.

Pinadapa ng timberwolves ang rockets sa una hanggang ikatlong quarter dahilan ng kanilang pagkapanalo.

Abangan naman bukas ang susunod na laro ng Timberwolves kung saan, kanilang makakalaban ang New Orleans Pelicans, alas-nueve ng umaga, oras sa Pilipinas.—sa panulat ni Angelica Doctolero

Nilampaso ng Miami Heat ang Phoenix Suns sa nba matapos lumamang ng 20 puntos sa iskor na 100-123.

Lumamang sa 1st, 2^nd at 4^th quarter ang Miami kung saan, nanguna sa panalo ng koponan si Tyler Herro na nakapagtala ng 33 points, 5 rebounds at 3 assists.

Samantala, nasayang naman ang 26 points, 4 rebounds at 3 assists na pinakawalan ng Suns player na si Devin Booker.

Abangan ang susunod na laro ng miami sa Huwebes, January 13, 2022 kung saan, kanilang makakalaban ang Atlanta Hawks, alas-8:30, oras sa Pilipinas.   —sa panulat ni Angelica Doctolero