SPORTS

Pormal nang umatras sa Winter Olympics ang North Korea na gaganapin sa China sa Pebrero 4 hanggang 20, 2022.

Ayon sa sulat na ipinadala ng North Korea, ang tumataas na kaso ng Covid-19 sa iba’t-ibang bahagi ng mundo ang pangunahing dahilan ng kanilang pag-atras.

Tinawag din nitong ‘hostile forces’ gaya ng Estados Unidos dahil sa umano’y pagtatakang pigilan ang pagdaraos ng nasabing palaro.

Sa kabila nito, hiniling naman ng North Korea na sana ay maging matagumpay ang Winter Olympics.

Matatandaang una nang nagpahayag ng hindi pagdalo ang Estados Unidos kabilang ang Canada.

Minomonitor ngayon ng Samahang Basketball ng Pilipinas (SBP) ang sitwasyon ng COVID-19 sa bansa bilang paghahanda sa nalalapit na 2023 World Asian Qualifiers sa darating na February 24, 2022.

Kasunod ito ng patuloy na pagtaas ng kaso ng COVID-19 sa Pilipinas matapos maitala ang mahigit 26,000 mga bagong kaso ng nasabing virus.

Nabatid na ang naturang event ay lalahukan ng group a na kinabibilangan ng South Korea, New Zealand, India at Philippines sa isang bubble set-up na gaganapin sa Smart Araneta Coliseum.

Ayon kay SBP Assistan Ryan Gregorio, anuman ang maging restriksiyon o desisyon ng national government sa pagsasagawa ng international sporting events ay kanilang susundin.

Matatandaang una nang naantala ang nasabing aktibidad noong Nobyembre 2021 dahil sa patuloy na pagtaas ng kaso ng COVID-19 dahilan kaya inilipat ito sa Pebrero ngayong taon. —sa panulat ni Angelica Doctolero

Siksik ang schedule ni Pinoy Pole Vaulter EJ Obiena.

Kasunod na rin ito sa limang malalaking international tournaments na sasalihan ni Obiena sa taong ito.

Si Obiena ay inaasahang sasabak sa Asian Indoor Athletics Championships sa Nur Sultan, Kazakhstan mula February 11 hanggang 13.

Pasok din ang World Number 6 sa 2022 IAAF World Indoor Championshps sa March 18 sa Belgrade, Serbia, Vietnam Sea Games sa Mayo, World Athletics Championships mula July 15 hanggang 24 sa Oregon, USA at 2022 Asian Games sa Hangzhou, China sa Setyembre.

Gayunman, tila nakabitin pa ang partisipasyon ni Obiena sa mga nasabing events dahil hihingan ng International Olympic Committee ng endorsement ng Pinoy Vaulter ang PATAFA kung saan ito mayruong hidwaan.

Bukod sa mga naturang events, sinasabing si Obiena ay kakatawan din sa Pilipinas sa init indoor meeting sa Karlsruhe, Germany sa January 28.

Nakahome-quarantine ngayon si volleyball star-outside hitter Alyssa Valdez matapos magpositibo sa Covid-19.

Ayon sa management ni Alyssa, nakaranas ito ng mild symptoms at nagpositibo matapos isailalaim sa reverse transcription polymerase chain reaction o rt-pcr test.

Matatandaang kakalabas lamang ni Valdez matapos sumali sa isang reality tv show nito lamang 2021.

Hindi naman inanunsiyo kung kanino nahawa si Valdez na ngayon ay patuloy na nagpapagaling at hangad ang mabilis na pagrekober sa naturang sakit.

Samantala, pinasalamatan naman ni Valdez sa kaniyang instagram account ang lahat ng kaniyang mga taga suporta na nangamusta at nag-alala sa kaniyang kalagayan.—sa panulat ni Angelica Doctolero

Kinumpirma ni Games and Amusements Board Chairman Abraham ‘Baham’ Mitra ang masaklap na sinapit ni Filipino World Veteran Billiard Champion Dennis “robocop” Orcollo sa U.S.

Ayon kay Mitra, nakulong si Orcollo sa Los Angeles, California at napauwi nang wala sa panahon dahil sa pagiging overstaying at kawalan ng tamang dokumento.

Dinakip anya ng U.S. Immigration ang Pool Legend sa kanyang pagdating sa Los Angeles airport kung saan nakulong siya ng 16 na oras bago ibiniyahe pabalik sa Pilipinas noong Lunes.

Tiniyak ni Mitra na handa ang gab na saklolohan si Orcollo sa renewal ng Professional Billiard Player License nito at endorsement sa US Embassy.

Regular naman anya ang renewal ng Pro License ni robocop sa mga panahong nananatili ito sa Pilipinas.

Pinangunahan ni Brooklyn Nets Guard Kyrie Irving ang pagkapanalo laban sa Indiana Pacers sa iskor na 129-121.

Inabot din ng 35 games na hindi nakapaglaro ngayong season si Irving dahil sa isyu na hindi ito nagpapabakuna hanggang ngayon.

Sa kanyang debut game, agad naman siyang isinama sa starting lineup kasama sina Kevin Durant at James Harden.

Sa una ay halata pa na medyo may kalawang sa kanyang laro si Irving pero sa huli ay bumalik ang galing nito sa pagiging veteran point guard.

Umiskor si irving ng 22 points, apat na assist, tatlong rebound at tatlong steals sa loob lamang ng tatlumpu’t dalawang minuto.

Naipasok din niya ang apat sa free throw line pero inalat sa three point area habang nagpasok siya ng siyam sa 17 field goal attempts.

Wagi sa unang round ng 2022 Melbourne Summer Set na si Japanese Tennis Star Naomi Osaka.

Tinalo ni Osaka si Alize Cornet ng France sa score na 6-4, 3-6 at 6-3.

Habang nagkaroon ang dating World number 1 ng 57 unforced errors kung saan walo dito ay double faults.

Ito ang unang laro ni Osaka mula noong setyembre ng ianunsiyo niya ang pagkakaroon ng indefinite break sa tennis.

Samantala, handa na si osaka na harapin si Maryna Zanevska ng Belgium para sa round of 16.

Ibaban ng Games and Amusements Board (GAB) ang mga players na masasangkot sa game fixing o ang pagbebenta ng mga players sa kanilang laro kung saan, ipapatalo ng professional players ang kanilang laro para manalo ang kanilang kalaban.

Ayon kay GAB Chairman Baham Mitra, sa kangkungan pupulutin ang mga tiwaling manlalaro at mga coach.

Sinabi pa ni Mitra na kanilang babawiin ang mga lisensya at pagbabawalan ding makapaglaro sa anumang professional league sa bansa at posible ring maharap sa kasong kriminal ang mahuhuling lalabag.

Sa ngayon, inimbestigahan na ng GAB, sa pamamagitan ng Anti-Illegal Gambling Unit at legal devision ang naturang isyu ng game-fixing. —sa panulat ni Angelica Doctolero

Pansamantalang ipinatigil ang mga laro sa Professional Sports partikular ang contact activities alinsunod sa kautusan ng Games and Amusements Board.

Ito’y bilang pagtalima sa ipinapatupad na Alert Level 3 ng inter-agency task force sa National Capital Region, Cavite, Rizal at Bulacan.

Ipinatitigil ng ahensiya ang mga aktibidad sa contact sports tulad ng boxing, MMA, Muay Thai, kickboxing, basketball, volleyball at football sa loob ng panahon ng Alert Level 3.

Ayon kay GAB Chairman Abraham Mitra, prayoridad ang kaligtasan at kalusugan ng mga atleta, opisyal at iba pang personnel na nasa mga liga at aktibidad ng mga Pro Leagues at iba pang sports.

Samantala, papayagan naman anya ang individual workout at training.