Nilampaso ng Minnesota Timberwolves ang Los Angeles Clippers sa NBA sa iskor na 122-104.
Tinambakan ng Timberwolves ang Clippers sa una hanggang ikatlong quarter dahilan ng kanilang pagkapanalo.
Nanguna sa koponan si Anthony Edwards na nakapagtala ng 28 points, 2 rebounds at 4 assists.
Abangan naman bukas ang susunod na laban ng Timberwolves kung saan kanilang makakaharap ang Oklahoma City Thunder alas-9 ng umaga, oras sa Pilipinas. —sa panulat ni Angelica Doctolero
Target sungkitin ni Gilas Filipinas o ang Pilipinas Women’s Team ang gintong medalya sa 31st Southeast Asian Games na gaganapin sa Hanoi, Vietnam.
Kumpiyansa si Philippine National Team Coach Pat Aquino na makukuha ng Pilipinas ang kampeonato para sa ikalawang sunod na Sea Games Gold Medal bid sa darating na Mayo.
Matatandaang tinalo ng Gilas Filipinas ang India sa Relegation Match para makuha ang karapatang manatili sa Elite Asia Cup’s Division a na pinamumunuan ng Japan, China at Australia.
Kabilang sa mga lalahok sa naturang team ay sina Jack Animam, Henson Afril Bernardino, Camille Clarin, Ella Fajardo at Skipper Janine Pontejos kaya malaki ang posibilidad na muling maabot ng Pilipinas ang panalo. —sa panulat ni Angelica Doctolero
Ipinagbawal ng Philippine Basketball Association (PBA) ang mga audience sa Season-Ending Governors Cup sa ilalim ng Alert Level 3.
Ayon kay PBA Commissioner Willie Marcial, nakahanda ang kanilang grupo sa muling pagbalik ng Alert Level System sa bansa dulot ng pagsirit ng kaso ng COVID-19 matapos ang sunod-sunod na holiday activities.
Nilinaw naman ni Marcial na hindi nila kakanselahin ang mga laro sa kabila ng pagpapatupad ng alert level system sa Metro Manila. —sa panulat ni Angelica Doctolero
Muling tatangkain ni Pinay Weightlifter at Tokyo Olympic Gold Medalist Hidilyn Diaz na sumungkit ng gintong medalya sa Paris Olympics 2024.
Ito ang kinumpirma ni Diaz sa kanyang social media post taliwas sa una niyang pahayag na malabong lumahok sa susunod na edisyon ng summer games sa France.
Sa kanyang post, ipinakita ng atleta ang hawak niyang modelo ng Eiffel Tower.
Bagaman tinanggal na ang Weightlifting sa 2028 Los Angeles Olympics, si Diaz ay maaaring makaagaw ng isa pang karangalan para sa kanyang sarili at sa bansa sa Paris.
Gayunman, sasabak muna si diaz sa 31st Southeast Asian Games at sa 19th Asian Games ngayong taon. —sa panulat ni Drew Nacino
Bigo sa kamay ng Los Angeles Clippers ang Brooklyn Nets matapos itong padapain sa score na 120-116.
Si Eric Bledsoe ang nanguna sa Clippers sa pamamagitan ng kanyang 27 points.
Sa isa pang laro, inilampaso naman ng Milwaukee Bucks ang New Orleans Pelicans sa score na 136-113.
Nakamit ng Thailand ang pang-anim na titulo sa SouthEast Asia matapos mauwi sa tabla (2-2) ang laban kontra Indonesia sa second leg ng Asean Football Federation Suzuki Cup 2020 (AFF Susuki Cup 2020) na ginanap sa Singapore National Stadium.
Sa first leg, nanguna ang Thailand o War Elephants sa iskor na 4-0.
Nangamba naman ang ito ng malusutan ang kanilang goal keeper at maka-iskor si Ricky Kambuaya ng Indonesia.
Matatandaang nabawi ng Thailand ang tropeo sa unang pagkakataon kontra Indonesia noong 2016. –Sa panulat ni Airiam Sancho
Nagwagi sa NBA ang Los Angeles lakers kontra Portland Trail Blazers matapos matambakan sa iskor na 139-106.
Nilampaso ng Lakers ang Blazers sa una hanggang sa huling quarter kung saan, nanguna sa koponan si NBA Superstar Lebron James na humakot ng 43 points, 14 rebounds at 4 assists.
Samantala, nasayang naman ang inambag na 28 points, at 4 rebounds ni Ben Mclemore ng Blazers.
Abangan naman bukas ang susunod na laban ng Lakers kung saan, kanilang makakaharap ang Minnesota Timberwolves na gaganapin alas-10:30 ng umaga, oras sa Pilipinas. —sa panulat ni Angelica Doctolero
Pansamantalang itinigil ng Toronto Raptors ang pagbebenta sa mga home games sa loob ng tatlong linggo dahil sa paglobo ng mga kaso ng COVID-19.
Bukod pa diyan, kinansela narin ng NBA ang ilan pang games at trainings ng mga team dahil sa COVID-19 surge.
Ito ay dahil mas nadagdagan pa ang bilang ng mga players at coach ang isinailalim ngayon sa quaratine isolation matapos tamaan ng Coronavirus disease.
Sa ngayon, ito na ang ika-labing isang laro sa NBA na nagkansela ng schedule dulot ng COVID-19 outbreak. —sa panulat ni Angelica Doctolero
Nagretiro na sa Philippine Basketball Association (PBA) si Northport Shooting Guard, Garvo Lanete sa edad na 32.
Ayon kay Lanete, buo ang kaniyang desisyon kahit alam niyang marami pa siyang ibubuga pagdating sa larangan ng sports.
Nabatid na plano ni Lanete at ng kaniyang asawa na magkaroon ng mahabang bakasyon sa US matapos ang 6 na taon nitong paglalaro sa basketball.
Sinabi pa ni Lanete na “very understanding” ang kaniyang koponan nang siya ay magpaalam para magretiro.
Si Lanete ay isa sa mga gumawa ng pangalan sa mundo ng basketball at tumulong sa San Beda na manalo ng maraming titulo sa NCAA maging sa 2020 Philippine Cup Bubble ng Northport Batang Pier kung saan, nakapagtala si Lanete ng 44% dahilan para maitala ang career-high average na 12.1 points. —sa panulat ni Angelica Doctolero
Nanawagan ang dalawang Filipino-American NBA personalities ng tulong para sa mga sinalanta ng bagyong Odette sa Pilipinas.
Base sa kanilang social media post, si Miami Heat Coach Erik Spoelstra at Utah Jazz Star Jordan Clarkson ng mga videos na nanghihikayat sa mga basketball fans na tumulong sa mga nasalanta ng naturang bagyo.
Unang Asian-American Head Coach sa NBA at nakilala si Spoesltra matapos magwagi ng NBA championships.
Habang si Clarkson naman ay hinirang bilang 2021 NBA Sixth Man of the Year.
Hiniling nila na magbigay tulong malaki o maliit man ay mahalaga para sa mga binayo ng bagyo.