SPORTS

Nasungkit ng isang 102 years old na lolo ang gintong medalya matapos salihan ang isang kompetisyon sa Thailand Master Athletes Championship.

Sa mahigit dalawang libong lumahok, naiuwi ni lolo Sawang Janpram na isang Thailand national ang medalya mula sa sinalihang 100-meter run sa loob lamang ng 27.08 seconds.

Ayon kay Lolo Sawang, hindi lamang sprint ang kaniyang sinasalihan kundi maging ang long jumps, discus at javelin throw.

Nabatid na sumalang sa training si Lolo Sawang ng dalawang linggo bago nakamit ang panalo.

Sa ngayon, itinuturing na oldest athlete ng thailand si Lolo Sawang. – sa panulat ni Angelica Doctolero

Inanunsyo ni Russian Oligarch Roman Abramovich na planong nitong ibenta ang Chelsea Football Club.

Aniya, ang hakbang ay makakabuti sa koponan, sa mga fans, gayundin sa mga sponsors at partners kasunod ng ginawang pag-atake ng Russia sa bansang Ukraine.

Pero hindi nagmamadali si Abramovich dahil may mga due process na dapat sundin sa pagbebenta.

Matatandaang ini ni US President Joe Biden ang pagpataw ng sanctions sa Russia kabilang ang mga oligarch. —sa panulat ni Airiam Sancho

Nanatiling buhay ang pag-asa ng Northport na makausad sa susunod na round nang dispatsahin ang wala pang panalong Blackwater, 116-103, sa pba Governors’ Cup sa Araneta Coliseum.

Sa kanyang pagbabalik mula sa dalawang larong pagliban para sa Gilas Pilipinas kamakailan, tumirada si Robert Bolick ng team-high 30 points, 11 rebounds at 6 assists para pangunahan ang Northport sa ika-apat na sunod na panalo.

Nagbuhos si Jamel Artis ng 26 points at 9 rebounds habang nagdagdag si Arwind Santos ng double-double na 21 markers at 13 boards.

Nabatid na kung mananalo ang Northport sa nalalabi nitong mga laro laban sa Terrafirma sa Sabado at sa TNT sa Marso 11 ay makauusad ang koponan sa quarterfinals.

Samantala, nalasap ng Blackwater ang ika-siyam na sunod na kabiguan sa conference at hinila ang kanilang losing streak magmula pa noong nakaraang taon. -sa panulat ni Mara Valle

Sinupalpal ng Philippine Olympic Committee (POC) ang Philippine Athletics Track and Field Association (PATAFA) maging ang pangulo nitong si Philip Ella “Popoy” Juico dahil sa pag-akyat nito sa kaso ni Pole Vaulter EJ Obiena sa Court of Arbitration for Sport (CAS).

Ayon sa POC, naghain si Juico ng “statement of appeal” noong Pebrero a–11 sa POC at Obiena bilang mga respondent sa CAS, na naka-base sa Lausanne, Switzerland.

Nakarating sa CAS ang apela apat na araw matapos magkasundo sina Obiena at PATAFA na muling pumasok sa pamamagitan ng pagdinig sa senado noong Pebrero a–7.

Kinuwestiyon naman ni POC President Abraham “Bambol” Tolentino ang motibo ng PATAFA sa likod ng pagsasampa ng kaso.

Isa anya itong “paglabag sa integridad at paglalagay ng hadlang sa pagsisikap na pinamumunuan ng senado na pahupain ang krisis sa pamamagitan ng domestic effort.”

Nagwagi sa NBA ang Minnesota Timberwolves kontra Golden State Warriors sa iskor na 129- 114.

Tinambakan ng Timberwolves ang Warriors sa 1^st, 2^nd at 4^th quarter dahilan ng kanilang pagkapanalo.

Nanguna sa koponan si Karl-Anthony Towns na kumadada ng 39 points, 9 rebounds at 1 assists.

Nakaambag din sa Timberwolves ang 22 points na naitala ni D’Angelo Russell at 20 points ni Malik Beasley habang nasayang naman ang 34 points, 5 rebounds at 4 assists ni Stephen Curry ng Warriors.

Abangan naman sa sabado ang susunod na laro ng Timberwolves kung saan, kanilang makakalaban ang Oklahoma City Thunder alas-9 ng umaga, oras sa Pilipinas.  —sa panulat ni Angelica Doctolero

Wala nang balak si dating IBF World Super Flyweight World Champion Jerwin Ancajas na gamitin ang rematch clause sa kanyang kontrata sa halip ay aangat na lang ng timbang matapos ang kanyang bigong title defense laban kay Fernando Martinez.

Natalo si Ancajas, via unanimous decision laban kay Martinez noong linggo sa kanilang sagupaan sa Las Vegas, USA.

Ayon kay Ancajas, pinatunayan ng laban na oras na para umakyat siya ng weight class dahil hindi na kaya ng kanyang katawan ang pagbabawas ng timbang.

Mahigit 1,000 suntok ang pinakawalan ng Argentinian boxer kabilang ang 400 tumama sa pinoy fighter.

Inako ng trainer at manager ni Ancajas na si Joven Jimenez ang sisi sa nakadidismayang performance ng boksingero mula Davao City.

Aminado naman si Jimenez na muntik na siyang maghagis ng tuwalya at pumasok upang ihinto ang bakbakan sa mga sumunod na round.

Ang Ayala Vermosa Sports Hub ay isang complete destination na dinisenyo upang magbigay ng isang epektibo at kumpletong training experience sa mga atleta. Mayroon itong Olympic-size pool, track and field, at sports science laboratory.

Inihayag ng bagong lunsad na Ayala Center for Excellence in Sports (ACES) ang pagkabuo ng Atletang Ayala, isang programang naglalayong bigyan ng holistic support ang Olympic hopefuls ng bansa.

Sa ilalim ng programa, mabibigyan ang bawat Atletang Ayala ng pagkakataong madagdagan ang kanilang income sa pamamagitan ng full-salaried employment opportunities para sa part-time na trabaho. Magbibigay daan ito sa mga atleta na magkaroon ng steady income at flexibility upang magampanan ang kinakailangang pagsasanay para sa 2022 Asian Games at 2024 Olympics.

Ang bawat Atletang Ayala ay mabibigyan din ng pagkakataong magamit nang libre ang world-class training facilities ng Ayala Vermosa Sports Hub. Nakipag-partner rin ang ACES sa De La Salle University upang makapag-alok ng libreng enrollment sa mga Atletang Ayala na nais magpatuloy sa kanilang pag-aaral.

“The Ayala Group of Companies has long recognized the special qualities athletes bring to the workplace. A number of our executives in fact competed as national athletes, and they have been noteworthy for their commitment, resilience and ability to work in teams. At the Ayala Group we will continue to look for ways to support our national athletes so that hopefully we can encourage more Filipinos to pursue their sports dreams,” ani Jan Bengzon, program director ng ACES.

“We are excited to open the program application process to all qualified national athletes and look forward to working with them to advance their athletic careers towards qualifying for the upcoming 2022 Southeast Asian Games and Asian Games, and hopefully the 2024 Olympics as well. At the same time, we would also like to work with them to advance their careers beyond sports,” dagdag pa niya.

Ilulunsad ang Atletang Ayala program matapos kilalanin ang walong atletang makikibahagi sa inaugural class nito. Ang lahat ng aplikante ay kailangan maging miyembro ng pool of national athletes sa kanilang national sports associations na lalahok sa medal sports sa 2024 Olympics.

Ang bawat Atletang Ayala ay magkakaroon ng yearly contract na magbibigay ng mga nasabing benepisyo at maaaring ma-renew taon-taon hanggang sa 2024 Olympics.
“The success of this program will not be determined by the number of athletes who bring back medals, but by the impact these young men and women will have in their communities as they aspire to reach the pinnacle of their respective sports on the global stage,” ani Bengzon.

Hinihikayat ang mga interesadong aplikante na mag apply sa pamamagitan ng pagsagot sa form, at pagbisita sa link na ito: https://bit.ly/AtletangAyala.

Magsasara ang application sa March 18, 2022.

Pinadapa ng Milwaukee Bucks ang Charlotte Hornets sa NBA sa iskor na 130-106.

Naging tabla ang iskor ng dalawang team sa 1^st quarter pero nagawang umabante ng Bucks sa 2^nd at 3^rd quarter dahilan ng kanilang pagkapanalo.

Nanguna sa koponan si Giannis Antetokounmpo na nagpakawala ng 26 points, 16 rebounds at 6 assists.

Nakaambag din sa Bucks sina Jrue Holiday na may 21 points, 6 rebounds at 8 assists at Khris Middleton na nakapagtala ng 20 points at 10 rebounds.

Abangan naman bukas ang susunod na laro ng Bucks kung saan, kanilang makakalaban ang Miami Heat alas-9 ng umaga, oras sa Pilipinas. —sa panulat ni Angelica Doctolero

Parehong nagwagi sa NBA ang Denver Nuggets at New Orleans Pelicans.

Unang nagwagi ang Nuggets matapos lampasuhin ang Portland Trail Blazers sa una, ikalawa at ikahuling quarter dahilan para maitala ang iskor na 124-92.

Nanguna sa koponan si Jamaychal Green na nakapagtala ng 20 points at 10 rebounds.

Samantala, pinadapa naman ng New Orleans Pelicans ang Los Angeles Lakers matapos matambakan sa una, ikalawa at ikatlong quarter dahilan naman para maitala ang iskor na 123-95.

Nanguna sa panalo ng Pelicans si Cj Mc’collum matapos magpakawala ng 22 points, 5 rebounds at 8 assists.

Habang nasayang naman ang naitalang 32 points, 6 rebounds at 3 assists ni NBA superstars Lebron James.  —sa panulat ni Angelica Doctolero

 Lumalakas ang mga panawagang tuluyang i-ban o pagbawalan ang Russia na makalahok sa 2022 World Cup.

Kasunod na rin ito nang paggigiit ni French Football Federation President Noel Le Graet na burahin na sa listahan ng World Cup ngayong taon ang Russia matapos nitong lusubin ang Ukraine.

Sinabi ni Le Graet na hindi maaaring maging neutral ang mundo ng palakasan lalo na ang football sa nasabing usapin kayat suportado nito ang pagsibak sa russia sa naturang world competition.

Ayon pa sa FIFA, nakikipag ugnayan pa sila sa iba pang sports organizations para tutukan ang dagdag na parusa laban sa russia kabilang ang tuluyang pag etsapuwera rito mula sa mga kumpetisyon.