SPORTS

Maaari nang makapaglaro sa Korean Basketball League (KBL) ang mga Filipino Basketball Players bilang mga imports simula sa 2022-2023 Season.

Base sa Korean Sports Website Jumpball, pinalawak pa ng KBL ang kanilang Asian Player Quota Program dahilan para mapasama ang mga Filipino players.

Nilinaw naman ng KBL na hindi umano papayagang lumagda o makapaglaro ang mga naturalized Filipino players o yung mga manlalarong in-import ng Pilipinas mula sa ibang bansa.

Ang mga Filipino player na tatanggapin sa KBL ay kailangang nakapaglaro na sa PBA o sa local league at isa sa mga magulang ng Filipino player ay kailangan ng Philippine Citizen o passport holder.

Umabante ng dalawang panalo ang Philadelphia Sixers matapos muling maitumba ang Toronto Raptors sa iskor na 112-97 sa Game 2 ng First Round ng NBA Playoffs.

Nanguna ang Sixers Big Man at MVP finalist na si Joel Embiid nang magbuhos ng 31 points at 11 rebounds.

Dahil dito, umabot na sa 27 points ang kalamangan ng sixers na tinangkang hbaulin ng Raptors ngunit hindi ito kinaya.

Kumamada naman si Tyrese Maxey nang magtala ng 23 points, nine rebounds at eight assists.

Tumulong din naman sina Tobias Harris gamit ang 20 points at 10 rebounds at si James Harden ay nagtapos sa 14.

Samantala, ang Game 3 ay gagawin sa homecourt ng Toronto sa darating na Huwebes para tangkaing makaisa ng panalo.

Pumanaw na sa edad na 36 ang dating manlalaro ng Philippine Basketball Association na si Eric Suguitan.

Ito ang kinumpirma ng koponang NLEX Road Warriors kung saan, naging bahagi si Suguitan sa unang tatlong D-League ng NLEX mula 2011 hanggang 2012 season.

Nasawi si Suguitan sa loob ng kanilang bahay sa Cauayan City, Isabela.

Matatandaang taong 2015 nang sumailalim sa operasyon si Suguitan matapos magkaroon ng komplikasyon sa puso. — sa panulat ni Angelica Doctolero

Pinataob ng Philadelphia 76ers ang Toronto Raptops matapos masungkit ang unang panalo sa Game 1 ng NBA playoffs.

Tinambakan ng 76ers ang Raptors sa una hanggang sa huling quarter dahilan ng kanilang pagkapanalo.

Nanguna sa koponan si Tyrese Maxey na nakapagtala ng 38 points, 4 rebounds at 2 assists habang nakaambag din sa panalo si Tobias Harris na may 26 points at James Harden na may 22 points.

Abangan naman sa mamaya, alas 7:30 ng umaga ang ikalawang laro ng 76ers at Raptors. —sa panulat ni Angelica Doctolero

Interesado si Filipino Mixed Martial Arts o MMA strawweight champion Joshua Pacio na matunggali si Demetrious Johnson.

Ito’y matapos talunin ni Johnson si Rodtang Jitmuangnon sa One X super fight.

Mungkahi naman ni Pacio na maaaring isagawa sa first round ang pure striking, grappling naman sa second round habang wrestling sa round three.

Sa ngayon aniya’y paghahandaan na niya ang nasabing laban.

Tiniyak ni World Bantamweight Champion Nonito Donaire Jr. na ibibigay niya ang 100% ng kanyang lakas para sa muli nilang paghaharap ni Naoya Inoue ng Japan.

Ayon kay Donaire, fight mentality lamang ang bitbit niya nang matalo  siya laban kay Inoue noong 2019.

Aniya, gagawin niya raw ang lahat ng kaniyang makakaya para mapataob ang undefeated na pambato ng Japan.

Nabatid na sa Hunyo a-7 maghaharap sina Donaire at Inoue  para sa Bantamweight Championship. — sa panulat ni Abie Aliño

Tabla na sa kartadang 2 win 2 loss ang best of seven series ng PBA Governors Cup finals sa pagitan ng Meralco at Brgy. Ginebra.

Mamaya, muling maghaharap sa game 5 ng PBA finals ang Gin Kings at Bolts ganap na ala-sais ymedya ng gabi sa Araneta Coliseum.

Matatandaan na noong game 4 tinanghal na best import si Justin Brownlee at si Scottie Thompson naman ang nakasungkit ng Best Player of the Conference.

Pinangunhan din nina Brownlee at Thompson ang Ginebra sa larong ito para maitabla sa 2-2 ang serye laban sa Meralco.

Inaasahang magiging mainit ang paghaharap ng dalawang koponan sa game 5 ng Governors Cup finals upang makuha ang 3-2 lead at mas makalapit sa inaasam na kampeonato.

Sinimulan na ng Federation Internationale de Basketball Amateur (FIBA) kahapon ang 500 days countdown para sa basketball World Cup 2023.

Kabilang sa magiging host ng aktibidad ang Pilipinas kasama ang Japan at Indonesia sa August 25 sa susunod na taon hanggang September 10.

Bumisita na rin sa bansa sa ikalawang pagkakataon si FIBA World Cup 2023 Executive Director David Crocker para tignan ang kahandaan sa hosting ng naturang aktibidad.

Bukod sa torneo, magsasagawa ang Pilipinas ng FIBA World Congress na dadaluhan ng 212 na mga bansa. —sa panulat ni Airiam Sancho

Pursigido si Barangay Ginebra Gin Kings Star Import Justin Brownlee na itodo na ang kanyang puwersa sa Game 4 ng PBA Governor’s Cup Finals kontra Meralco Bolts.

Aminado si Brownlee na naging maganda ang laro ng Bolts sa Game 3 at marami siyang mintis na tira pero titiyakin niyang magpapaulan siya ng puntos sa kanilang muling paghaharap.

Muling magbabakbakan sa 4^th round sa Araneta Coliseum, mamayang ala-6 ng gabi.

Tatangkain ng Barangay Ginebra na itabla ang kartada sa 2 – 2.

Inaasahang ba-biyahe na pa Brazil ngayong araw na ito, ang National Women’s Volleyball Team ng bansa.

Ito ay para magtayo ng training camp sa loob ng tatlong linggo bilang bahagi ng paghahanda ng Women’s Volleyball squad para sa Southeast Asian Games sa May 12 sa Hanoi, Vietnam.

Ang squad ay pangungunahan nina Creamline Team Mates Alyssa Valdez at Jema Galanza na nagtagumpay sa 2022 PVL Open Conference matapos pataubin ang koponan ng Petro Gazz.

Kasama rin sa team sina Majoy Baron, Aby Maranio, Mylene Paat, Ces Molina, Iris Tolenada, Ria Meneses, Kat Tolentino, Dawn Macandili, Kath Arado at Dell Palomata.

Kabilang sa head coach ng women’s squad sina Jorge Edson Souza De Brito At Odjie Mamon.