SPORTS

Inanunsyo ng University Athletic Association of the Philippines (UAAP) na muli na silang magpapapasok ng fans sa darating na Martes, Abril 5 sa Mall of Asia Arena.

Ayon kay UAAP Season 84 President Emmanuel Calanog, binilisan ang naturang pagbubukas ng asosasyon sa live audience kasabay ng  nagpapatuloy na alert level 1 sa Metro Manila.

Gayunpaman, ang lower box, upper box, at general admission section lang ng arena ang bubuksan sa mga manonood at ang mga bakunadong indibidwal lang din ang papayagang manood. —sa panulat ni Mara Valle

Nasayang ang inambag ni Thirdy Ravena na 6 points, 2 rebounds at 1 assist sa 19 na minutong pagdribol, dahil tumiklop ang San-En Neophoenix laban sa Shimane Susanoo Magic sa score na 65-91, sa 7th Japan B. League Division 1 2021-22 regular round sa Toyohashi City Gymnasium.

Wala ring bisa ang nilagareng 17 markers ng kuya ni Thirdy na si Kiefer Ravena at kinabibilangan nitong kupunan na Shiga Lakestars ang ika-13 tatlo na straight loss kontra Gunma Crane Thunders, sa score na 83-84, sa parehong araw sa Ota City Sports Park Civic Gymnasium.

Samantala, sunod na makakalaban nina Thirdy at San-En ang Osaka Evessa at habang makakaharap naman nina Kiefer at Shiga ang Ryukyu Golden Kings sa sabado. —sa panulat ni Mara Valle

Itinakda na sa Hunyo a-syete ang rematch fight ni ‘The Filipino Flash’ Nonito Donaire laban kay Naoya Inoue ng Japan.

Magaganap ang Bantamweight Unification Fight sa Saitama, Japan na pinakaabangan dahil mas magiging mainit ito kumpara sa unang paghaharap ng dalawa noong 2019 na tinagurian bilang Fight of the Year.

Nakataya naman sa nasabing bakbakan ang World Boxing Association (WBA) at International Boxing Federation (IBF) titles ng Unbeaten Japanese Boxer at ang World Boxing Council (WBC) belt ni Donaire.  - sa panulat ni Airiam Sancho

Maghaharap ang La Salle Green Archers at Far Eastern Tamaraws sa 84th University Athletic Association of the Philippines (UAAP) 2022 ngayong araw, sa Mall of Asia Arena.

Magbabanggaan ang DLSU na may 2 wins 0 lose at FEU na may 1 win 1 lose sa ganap na ala-una ng hapon sa second game ng quadruple-header.

Noong Martes ay sinapol ng Taft-Based Cagers ang pangalawang sunod na panalo kontra nu Bulldogs, sa score na 59-55, habang inalat naman ang Tamaraws sa naturang araw laban sa Ateneo Blue Eagles, sa score na 70-79.

Samantala, magtutuos sa alas-diyes ng umaga ngayong araw ang Ateneo Blue Eagles at Adamson Falcons, sa alas-4 naman ng hapon ang UP Fighting Maroons at NU Bulldogs, habang alas-7 ng gabi mag sasalpukan ang UE Red Warriors at University of Santo Tomas Growling Tigers. —sa panulat ni Mara Valle

Nagpahayag ng pagkasabik ang 17-year old Filipino Car Racer na si Bianca Bustamante sa gaganaping 2022 W series season sa Mayo 8 sa Miami, Florida.

Matapos ang serye ng qualifying rounds ay nasungkit ng teen racer ang i-spot sa 2022 W Series na tinawag na Formula One para sa mga babaeng driver.

Makakalaban naman ni bustamante ang 16  na indibidwal na magrerepresenta ng siyam na team.

Sa ngayon, nakatuon si bustamante sa pag-eensayo para sa opening leg ng naturang laban.  – sa panulat ni Airiam Sancho 

Nagsimula nang magsanay ang Philippine Men’s Volleyball Team sa training camp sa Doha, Qatar na tatagal hanggang Abril a-9.

Sa ngayon ay nasa nasabing Middle Eastern Country sina Jao Umandal at iba pang mga pinoy spiker bilang parte ng paghahanda sa 31st Southeast Asian Games 2022 na gaganapin sa Hanoi, Vietnam sa Mayo a-12 hanggang a-23.

Nabatid na kamakailan ay wagi sa dalawang PH 6 exhibition ang pambato ng bansa kontra Qatar U-23 team sa scores na 25-19, 25-4, 25-16, habang tinapos naman ng kupunan ang Al Gharafa Sports Club sa scores na 25-22, 25-17, 25-22.

Magugunita na makasaysayang sumungkit ng silver medal para sa Pinas ang Men’s Volleyball Team sa 30th Sea Games 2019 na ginanap sa bansa. — sa panulat ni Mara Valle

Ginarahe na ng Cignal si Graze Bombita sa kasalukuyang 2nd Premier Volleyball League 2022 Open conference matapos nitong magkaroon ng ACL injury sa kaliwang tuhod.

Ayon sa kupunan, labas muna sa laro si Bombita sa natitirang laro sa PVL open conference, ipinagdarasal din anila ang mabilis na recovery ng manlalaro upang agad na makabalik na rin sa aksiyon.

Nabatid na nadisgrasya ang outside hitter sa opening day ng liga noong Marso a-16 sa warm-up ng HD Spikers kontra Chery Tiggo.

Samantala, abante na sa semifinals ang Cignal makaraang pataubin ang Balipure sa quarterfinals, sa scores na 25-14, 25-9 at 25-14. —sa panulat ni Mara Valle

Napigilan ng NLEX Road Warriors ang tangkang pagwalis sa kanila ng defending champion Barangay Ginebra Gin Kings.

 Niresbakan ng NLEX ang Ginebra sa score na 86-85 sa paghaharap nila sa game 3 ng 2021 PBA Governors’ Cup semifinals series sa MOA Arena, Pasay City, kahapon.

 Humakot ang import na si Cameron Clark ng double-doubles 21 points at 17 rebounds upang ipako ang unang panalo ng road warriors sa kanilang best-of-five semis kontra Gin Kings.

 Nag-ambag din ng 15 points si Kevin Alas para sa nlex habang 13 points para kay Justin Chua.

 Nagpakawala naman ng 27 points si Justin Brownlee para sa Barangay Ginebra.

 Hawak ng Gin Kings ang kartadang 2-1 sa serye habang muling maghaharap ang dalawang koponan sa game 4 sa Miyerkules, sa Araneta Coliseum.

Parehong kampeon ang Toronto Raptors at Memphis Grizzlies sa NBA.

Unang nagwagi ang Raptors matapos patumbahin ang Indiana Pacers sa iskor na 131-91.

Lumamang ng 40 puntos ang Raptors matapos matambakan ang Pacers sa 1^st, 2^nd at 4^th quarter kung saan, nanguna sa koponan si Paskal Siakam na nakapagtala ng 23 points, 6 rebounds at 7 assists.

Samantala, nasungkit din ng Memphis Grizzlies ang panalo matapos lampasuhin ang Milwaukee Bucks sa iskor na 127-102.

Lumamang ang Grizzlies sa una hanggang sa huling quarter dahilan ng kanilang pagkapanalo kung saan, nanguna si De’Anthony Melton na may 24 points at Desmond Bane na may 20 points. —sa panulat ni Angelica Doctolero