SPORTS

Nauwi sa gulo ang game 1 ng PBA Governors Cup finals nang muntik magkasuntukan dahil sa mainit na sagutan sina Arvin Tolentino ng Ginebra at Raymar Jose ng Meralco, kahapon.

 Naganap ang insidente sa hallway patungo sa locker rooms ng Smart Araneta Coliseum matapos ang game na nauwi sa panalo ng Bolts kontra Gin Kings sa score na 104-91.

 Unang lumabas si Tolentino sa mga member ng Barangay Ginebra at naghintay sa labas ng dugout ng kings upang abangan umano si Jose.

 Gayunman, naawat sila ng iba pang miyembro ng dalawang koponan.

 Muling maghaharap ang Bolts at Gin Kings sa game 2 sa MOA Arena, Pasay City, bukas.

Pinabagsak ng Creamline Cool Smashers ang Petro Gazz Angels sa game 1 ng Premier Volleyball League (PVL) open conference finals na ginanap sa Mall of Asia Arena kahapon.

Nakuha ng Creamline ang victory dahilan para maging 1-0 ang score sa best-of three series sa harap ng halos 13-K audience.

Ikinatuwa naman ni Creamline Coach Sherwin Meneses ang panalo ng kaniyang team kung saan, isang panalo nalang ang kailangan upang masungkit ang open conference crown.

Abangan naman ang game 2 na gaganapin bukas, Biyernes, sa Ynares Center, Antipolo City.  —sa panulat ni Angelica Doctolero

Dalawang katao ang patay habang dalawa ang sugatan sa nangyaring pagguho ng lupa  sa Sydney, Australia.

Nangyari ang insidente habang naglalakad ang mag-asawa kasama ang kanilang mga anak sa Australia’s Blue Mountain.

Nasawi ang ama at siyam na taong gulang na anak habang dinala naman sa pinakamalapit na ospital ang ina at isa pang lalaking anak na nasa kritikal na kondisyon.

Ayon sa mga otoridad, magbabakasyon sana umano ang pamilya ng mangyari ang naturang insidente.

Tuluyan nang natanggal sa Play In-Tournament ng NBA ang Los Angeles Lakers matapos matalo ng Phoenix Suns sa iskor na 121-110.

Dahil dito, napatibay naman ng suns ang kanilang record bilang best team sa liga nang maiposte ang ika-63 panalo ngayong season.

Nagpakawala naman si Devin Booker ng 32 points dahil hindi nakapaglaro ang kanilang superstar na si James Harden.

Lumayo na rin ang agwat ng Suns sa pitong panalo mula sa number 2 na Memphis Grizzlies, bilang second-most wins sa NBA.

Para sa los angeles  masaklap ang pagkatalo dahil ito na ang ika-7 nilang sunod-sunod na talo.

Samantala, ikinalungkot ni Lakers Coach Frank Vogel ang sinapit ng kanilang koponan.  

Opisyal nang pumasok sa Philippine Basketball Association ang Converge, na nakabili sa prangkisa ng Alaska.

Ipinarada ng Converge ang Moniker ng kanilang magiging team na tinawag na Fiber Xers bilang isa sa nangungunang internet at telecommunication service provider sa bansa.

Pinangunahan ni Converge owner Dennis Anthony Uy ang official ceremony sa Mandaluyong City, kahapon.

Ayon kay Uy, nais nilang ibigay sa fans ang pinaka-mahusay na performance ng team sa unang araw na pagpasok ng Converge sa liga.

Samantala, nangako naman si PBA Commissioner Willie Marcial na tutulong ang Converge upang maging nangungunang basketball league sa Pilipinas.

Nasungkit ng Golden State Warriors ang kanilang ika-50 panalo sa NBA matapos pataubin ang Sacramento Kings sa iskor na 109-90.

Lumamang sa una, ikalawa at ika-apat na quarter ang Warriors dahilan ng kanilang pagkapanalo.

Bumida sa panalo ng koponan si Andrew Wiggins na nakapagtala ng 25 points, 5 rebounds at 5 assists habang nakaambag din ng 22 points, 5 rebounds at 5 assists si Jordan Poole.

Samantala, abangan naman sa Biyernes ang susunod na laro ng Warriors kung saan, kanilang makakalaban ang Los Angeles Lakers alas-10 ng umaga, oras sa Pilipinas. — sa panulat ni Angelica Doctolero

Nanguna ang pambato ng Poland na si Iga Swiatek sa Women’s Tennis Association (WTA) ranking.

Ito’y kasunod ng  panalo ng 20 year old sa Miami Open ng talunin si Four Time Grand Slam Champion Naomi Osaka.

Ang pagiging unang pwesto nito ay matapos magretiro ng dating world number one na si ashleigh barty.

Nasa pangalawang puwesto naman si czech republic player barbora krejcikova, habang pangatlo si paula badosa ng spain, maria sakkari ng greece at aryna sabalenka.

Si swiatek ang tanging pang-apat na babaeng tennis player sa kasaysayan na nanalo ng Indian Wells at Miami tournaments ng back-to-back.

Nanindigan ang University of Santo Tomas Growling Tigers na ipagpapatuloy nila ang pagragasa kontra De La Salle University Green Archers sa UAAP season 84 men’s Basketball Tournament.

Unang a-aksiyon sa Quadruple-header games, kasabay ng pagbabalik ng fans sa venue, ang Growling Tigers at ang Green Archers, alas-10 ng umaga ngayong araw sa SM Mall of Asia Arena.

Nabatid na kasalukuyang may hawak na 2-2 win-loss card ang Growling Tigers habang may 3-1 slate ang Green Archers.

Samantala, magtatapat rin ang UP Fighting Maroons laban sa Adamson Soaring Falcons, ala-1 ng tanghali; FEU Tamaraws kontra UE Red Warriors, alas-4 ng hapon, at NU Bulldogs laban sa Ateneo Blue Eagles mmayang alas-7 ng gabi.  —sa panulat ni Mara Valle

Pinataob ng San Antonio Spurs ang Portland Trail Blazers sa NBA sa iskor na 113-92.

Nilampaso ng Spurs ang Blazers sa una, ikatlo at ika-apat na quarter dahilan ng kanilang pagkapanalo.

Nanguna sa koponan si Keldon Johnson na nakapagtala ng 28 points, 2 reounds at 2 assists.

Nakaambag din sa Spurs sina Zach Collins at Tre Jones na parehong nakapagtala ng tig-18 puntos.

Abangan naman bukas ang susunod na laro ng Spurs kung saan, kanilang makakalaban ang Denver Nuggets, alas-9 ng umaga, oras sa Pilipinas.  —sa panulat ni Angelica Doctolero

NASIKWAT ng defending champion Letran ang ikatlong sunod na panalo sa NCAA Season 97 men’s basketball tournament matapos gibain ang Perpetual Help sa score na 68-57 sa kanilang laro sa La Salle Greenhills Gym.

Si star transferee Rhenz Abando ang bumuhat sa Knights dahil sa nakuha nitong 24 points, kasama ang limang rebounds, apat na assists, at tatlong steals.

Sa unang bahagi pa lamang ng laro ay humataw na ang Letran hanggang sa nasungkit nito ang panalo sa dulo ng laban.