PASOK na sa finals ng Premier Volleyball League o PVL Open Conference ang Creamline Cool Smashers.
Ito’y makaraang masungkit ng Cool Smashers ang four-set victory laban sa Choco Mucho sa kanilang laro sa Mall of Asia Arena sa Pasay City.
Sa unang set ay nangibabaw ang Flying Titans ngunit bumawi ang Creamline at nasikwat ang panalo sa tatlong magkakasunod na sets.
Itinanghal bilang kampeon si Iga Swiatek ng poland matapos talunin si Naomi Osaka ng Japan sa Miami Open sa Florida.
Sa pagsisimula ng laro ay hindi na hinayaan ni Swiatek na makalamang pa ang kalaban.
Posible naman niyang makuha ang number 1 spot sa world ranking matapos ang pagreretiro ni Ashleigh Barty.
Samantala, nag-uwi si Swiatek ng mahigit isang milyong dolyar na premyo habang si Osaka ay nagbulsa ng halos 650,000 dolyar. – sa panulat ni Airiam Sancho
Ipinag-utos na ng World Boxing Organization (WBO) ang rematch para kina Donnie Nietes at Junior Bantamweight Champion Kazuto Ioka.
Ito ay matapos mapili si Nietes bilang mandatory challenger kay Ioka.
Noong 2018, unang nakaharap ni Nietes ang manlalaro kung saan nakuha nito ang WBO World Super Flyweight Title na kaniyang hawak sa loob ng tatlong taong hindi pakikipaglaban.
Bibigyan ng 30 araw ang dalawang kampo upang maisapinal ang detalye ng laban.
Naglaan naman ang WBO ng minimun bid na 100,000 US dollars o katumbas ng mahigit 5.1 milyong piso. —sa panulat ni Abby Malanday
Pinadapa ng NU Bulldogs ang FEU Tamaraws sa score na 73-68 sa kanilang bakbakan sa UAAP Season 84 men’s basketball na ginanap sa Mall of Asia Arena sa Pasay City.
Si John Lloyd Clemente ang bumida sa panig ng Bulldogs matapos kumamada ng 18 points at nine rebounds.
Dahil dito, nakadalawang panalo na ang NU sa kasalukuyang season habang nalugmok naman ang Tamaraws sa ikatlong sunod na pagkatalo.
Interesado si two-time One lightweight champion Eduard Folayang na sumabak sa isang wushu-karate striking match.
Ginawa ni Folayang ang pahayag matapos gibain si muay thai legend John Wayne Parr sa “ONE X” card.
Ayon kay Folayang, nais niyang maging bahagi ng ONE Super Series na tatampukan ng muay thai at kickboxing fights.
Aminado rin ang Pinoy fighter na tumaas ang kanyang kumpiyansa makaraang mapataob niya si Parr.
Inanunsyo ng University Athletic Association of the Philippines (UAAP) na muli na silang magpapapasok ng fans sa darating na Martes, Abril 5 sa Mall of Asia Arena.
Ayon kay UAAP Season 84 President Emmanuel Calanog, binilisan ang naturang pagbubukas ng asosasyon sa live audience kasabay ng nagpapatuloy na alert level 1 sa Metro Manila.
Gayunpaman, ang lower box, upper box, at general admission section lang ng arena ang bubuksan sa mga manonood at ang mga bakunadong indibidwal lang din ang papayagang manood. —sa panulat ni Mara Valle
Nasayang ang inambag ni Thirdy Ravena na 6 points, 2 rebounds at 1 assist sa 19 na minutong pagdribol, dahil tumiklop ang San-En Neophoenix laban sa Shimane Susanoo Magic sa score na 65-91, sa 7th Japan B. League Division 1 2021-22 regular round sa Toyohashi City Gymnasium.
Wala ring bisa ang nilagareng 17 markers ng kuya ni Thirdy na si Kiefer Ravena at kinabibilangan nitong kupunan na Shiga Lakestars ang ika-13 tatlo na straight loss kontra Gunma Crane Thunders, sa score na 83-84, sa parehong araw sa Ota City Sports Park Civic Gymnasium.
Samantala, sunod na makakalaban nina Thirdy at San-En ang Osaka Evessa at habang makakaharap naman nina Kiefer at Shiga ang Ryukyu Golden Kings sa sabado. —sa panulat ni Mara Valle
Itinakda na sa Hunyo a-syete ang rematch fight ni ‘The Filipino Flash’ Nonito Donaire laban kay Naoya Inoue ng Japan.
Magaganap ang Bantamweight Unification Fight sa Saitama, Japan na pinakaabangan dahil mas magiging mainit ito kumpara sa unang paghaharap ng dalawa noong 2019 na tinagurian bilang Fight of the Year.
Nakataya naman sa nasabing bakbakan ang World Boxing Association (WBA) at International Boxing Federation (IBF) titles ng Unbeaten Japanese Boxer at ang World Boxing Council (WBC) belt ni Donaire. - sa panulat ni Airiam Sancho
Maghaharap ang La Salle Green Archers at Far Eastern Tamaraws sa 84th University Athletic Association of the Philippines (UAAP) 2022 ngayong araw, sa Mall of Asia Arena.
Magbabanggaan ang DLSU na may 2 wins 0 lose at FEU na may 1 win 1 lose sa ganap na ala-una ng hapon sa second game ng quadruple-header.
Noong Martes ay sinapol ng Taft-Based Cagers ang pangalawang sunod na panalo kontra nu Bulldogs, sa score na 59-55, habang inalat naman ang Tamaraws sa naturang araw laban sa Ateneo Blue Eagles, sa score na 70-79.
Samantala, magtutuos sa alas-diyes ng umaga ngayong araw ang Ateneo Blue Eagles at Adamson Falcons, sa alas-4 naman ng hapon ang UP Fighting Maroons at NU Bulldogs, habang alas-7 ng gabi mag sasalpukan ang UE Red Warriors at University of Santo Tomas Growling Tigers. —sa panulat ni Mara Valle
Nagpahayag ng pagkasabik ang 17-year old Filipino Car Racer na si Bianca Bustamante sa gaganaping 2022 W series season sa Mayo 8 sa Miami, Florida.
Matapos ang serye ng qualifying rounds ay nasungkit ng teen racer ang i-spot sa 2022 W Series na tinawag na Formula One para sa mga babaeng driver.
Makakalaban naman ni bustamante ang 16 na indibidwal na magrerepresenta ng siyam na team.
Sa ngayon, nakatuon si bustamante sa pag-eensayo para sa opening leg ng naturang laban. – sa panulat ni Airiam Sancho