PINADAPA ng Atlanta Hawks ang Miami Heat sa score na 111-110 sa kanilang NBA playoff first-round series.
Gayunman, taglay pa rin ng Heat ang 2-1 lead sa kanilang bakbakan sa Eastern Conference.
Samantala, nasungkit naman ng Milwaukee Bucks ang 2-1 series lead matapos tambakan ang Chicago Bulls sa score na 111-81.
Nasungkit nga Barangay Ginebra ang kampeonato matapos isara ang meralco sa anim na laro sa nakalipas na PBA Governors’ Cup Finals 2022.
Naglabas ng panibagong “never say die” matapos ang nakamamanghang score na 103-92 na nag tulak sa upang makamit ang kanilang back-to-back na tagumpay.
Tinanghal na finals Most Valuable Player na si Scottie Thompson, habang Conference’s Best Import naman si Justin Brownlee.
Samantala, ito na ang ika-14 na overall PBA crown title ng Ginebra at 24th Title Win naman para kay Coach Tim Cone. – sa panulat ni Mara Valle
Inihayag ni Filipino Boxer Jonas Sultan na magiging matindi ang laban nito kay dating World Champion Paul Butler.
Ipinalit kasi siya kay John Riel Casimero dahil sa paglabag sa panuntunan ng British boxing board of control sa laban nila na magaganap sa Abril 23 sa Liverpool, England.
Ayon kay Sultan, ito na ang pinakamalaking laban niya sa career.
Inamin nito na gutom siya sa panalo.
Magugunitang pinagpapaliwanag si Casimero ng WBO sa loob ng 48 hours para hindi siya tanggalan ng titulo.
Humakot ng medalya ang mga atletang Pilipino sa nakalipas na 82nd Singapore Open Track & Field Championships na ginanap sa Home of Athletics, Kallang Sports Center sa Singapore.
Nabatid na nakamit ng Filipino thrower na si John Albert Mantua ang personal best sa shot put na 17.33 meters upang magwagi ng ginto habang nagkasya ito sa 49.57 meters na hagis para sa medalyang pilak sa Men’s Discus Throw.
Dahilan upang maibagahe ng Philippine National Track and Field Team ang 10 ginto, 13 pilak at anim na tansong medalya mula sa nabanggit na kompetisyon.
Samantala, tinanghal na kampeon ang Philippine National Track and Field Team sa paglahok sa taunang torneo ngayong taon na bahagi ng pagbubuo sa koponan para sa nalalapit na 31st Sea Games sa Hanoi, Vietnam sa susunod na buwan.
Tinalo ng Shiga Lakestars ang Toyoma Grouses sa 2021-2022 Japan B. League season sa iskor na 89-81.
Naging mainit ang laban ng dalawang koponan na ginanap sa ginanap sa Toyama City Gymnasium kung saan, kumadada ng 21 points na may 5 assists si Point Guard Kiefer Ravena.
Bukod kay Kiefer, bumida din sa koponan si Novar Gadson na may 29 points, Sean O’mara na nakakuha ng double-double sa kanyang labing dalawang puntos.
Abangan naman sa Sabado ang susunod na laban ng Shiga kontra Hiroshima Dragonflies. – sa panulat ni Angelica Doctolero
Kasado na ang bakbakan ng Pinoy Boxer na si Jonas Sultan kay Paul Butler ng United Kingdom para sa Interim WBO Bantamweight Champion na gaganapin sa Liverpool’s M and S Bank Arena bukas, April 22.
Ang laban ay opisyal na inilabas matapos na tanggalin si John Riel Casimero ng British Boxing Board of Control dahil sa paggamit ng sauna para mabilis na makuha ang timbang sa nabanggit laban.
Samantala, itinuturing ni sultan na isang malaking pagkakataon ang sagupaan nila ni Butler na kaniyang pinaghandaan. – sa panulat ni Airiam Sancho
Hindi matutuloy sa Biyernes ang pagdepensa ni World Boxing Organization (WBO) Bantamweight Champion na si John Riel Casimero sa kanyang titulo kontra kay Paul Butler ng United Kingdom.
Ito ay matapos madiskubre ng British Boxing Board of Control na gumamit ng sauna ang Pinoy champion para mabilis na makuha ang timbang sa darating na laban.
Kung kaya’t pinatawan ng WBO ng show-cause order si Casimero upang magpaliwanag sa pangyayari.
Samantala, nagdesisyon ang organisasyon na ipalit sa laban kontra kay Butler ang isa pang Pinoy bantamweight contender na si Jonas Sultan at ang magiging laban nila ay para sa Interim WBO Bantamweight Title.
Pinabagsak ng Memphis Grizzllies ang Minnesota Timberwolves sa game 2 ng NBA Playoffs sa iskor na 124-96.
Nilampaso ng Grizzlies ang Wolves kung saan, hindi nila nagawang makabawi sa una hanggang sa huling quarter.
Nanguna sa koponan si Ja Morant na nakapagtala ng 23 points, 9 rebounds at 10 assists.
Abangan naman bukas ang susunod na laban ng Grizzlies at Wolves na gaganapin alas-siete-trenta ng umaga, oras sa Pilipinas. —sa panulat ni Angelica Doctolero
Sinuspinde ng Philippine Basketball Association (PBA) ang 46th Season Governors Cup Finals Game 6 ngayong araw matapos ang naganap na sunog sa Smart Araneta Coliseum kaninang umaga.
Ayon sa PBA, maaaring i-refund ang mga nabiling ticket sa Big Dome’s ticketing office.
Samantala, nakatakda sanang maglaro sa finals ang Barangay Ginebra San Miguel at Meralco Bolts. – sa panulat ni Airiam Sancho
Hindi bababa sa dalawang gintong medalya ang target ng Philippine Weightligfting Team sa 31st Southeast Asian Games na gaganapin sa Hanoi, Vietnam sa May 12 hanggang 23.
Pangungunahan ni Olympic Gold Medalist Hidilyn Diaz ang naturang team kung saan makakasama niya sa Women’s Division sina Mary Flor Diaz para sa 45kg, Rosegie Ramos sa 49kg, Margaret Colonia para sa 59kg gayundin sina Ando para sa 64kg, Vanessa Sarno sa 71kg at Kristel Macrohon para sa (plus) +71kg.
Si Olympian Nestor Colonia naman ang mangunguna sa Men’s Team para sa 67kg kasama sina Fernando Agad Jr. para sa 55kg, Rowel Garcia para sa 61kg, Lemon Denmark Tarro sa 73kg, John Paul Padullo para sa 89kg, at John Dexter Tabique para sa (plus) +89kg.
Samanatala, posible namang makakuha ng limang gold medal ang nasabing team ayon kay Samahang Weightlifting ng Pilipinas (SWP) President Monico Puentevella.