SPORTS

Aabot sa 23.5M tickets ang inaasahang ibebenta para sa gaganaping World Cup sa Qatar.

Pahayag ng Fédération Internationale de Football Association (FIFA), base ito sa naging kahilingan ng mga mga bansang kabilang sa pandaigdigang palakasan na kinabibilangan ng Argentina, Brazil, England, France, Mexico, Qatar, Saudi Arabia at United States.

Ayon sa FIFA, marami sa mga manonood ang mas nais na manood sa mismong araw ng pinale sa December 18.

Pinaka-inaabangan umanong laban dito ang paghaharap ng Argentina at Mexico, Argentina vs. Saudi Arabia at England vs.US.

Kung ikukumpara daw noong 2018 world cup na ginanap sa Russia, mas mataas daw ngayon ng 30% ang presyo ng mga ticket at mas magmamahal pa ito sa mga final games na posibleng umabot sa 45% o $1,600.

Wala pang kasiguraduhan kung kailan makababalik sa laban si Philadelphia 76ers superstar Joel Embiid dahil sa tinamong injury.

Ito ang inanunsyo ng koponan matapos na dumanas ng right orbital fracture and mild concussion si Embiid sa panalo ng Sixers sa Game 6 vs. Toronto Raptors.

Sinabi rin ng Sixers team na wala pang timetable sa pagbabalik ng basketball star dahil ito ay nakadepende sa kalagayan ng nabanggit na fracture.

Samantala, bago pa man ang injury ni Embiid ay iniinda na nito ang torn ligament sa kaniyang kanan na  hinlalaki.

Nahaharap sa matinding dagok ang Philadelphia 76ers matapos magka-injury ang kanilang star center na si Joel Embiid.

Ayon sa report, nagtamo ng orbital fracture o pinsala sa mata si Embiid sa kanilang blowout win laban sa Toronto Raptors kahapon.

Nabatid na tinamaan ng siko ni Pascal Siakam ang kanang mata ni Embiid habang tinatangka nitong ipasok sa ring ang bola.

Matatandaang isinalang sa left eye surgery ang Sixers player noong 2018 dahil din sa katulad na insidente.

INILAMPASO ng Yokohama B-Corsairs ang Ibaraki Robots sa score na 91-73 sa kanilang laro sa Japan B.League.

Kumamada si Javi Gomez de Liano ng 15 points ngunit hindi pa rin nito naisalba ang Robots sa kamay ng B-Corsairs.

Samantala, pinadapa rin ng Shimane Susanoo Magic ang Shiga Lakestars sa score na 97-56.

Anim na puntos lamang ang nagawa ng Pinoy na si Kiefer Ravena para sa Lakestars, kasama ang dalawang rebounds at dalawang steals.

Sinipa ng Dallas Mavericks ang Utah Jazz sa game 6 sa first-round series ng western conference playoffs sa score na 98-96.

Ito ay matapos mag-akyat ng tig-24 points nina Luka Doncic at Jalen Brunson.

Bukod sa 24 points na naipasok sa laro ay nakapagtala rin si Doncic ng 9 rebounds, 8 assists, 2 steals at 2 blocks.

Samantala, dahil dito ay aabante na sa second round ang Mavericks para hamunin ang top seed na Phoenix Suns.

Magbabanggan na ang defending NBA Champion Milwaukee Bucks at Boston Celtics sa semi-finals ng Eastern Conference Division.

Ito’y makaraang maungusan na ng Bucks sa kartadang 4-1 sa 1^st round ng playoffs ang Chicago Bulls.

Tinalo ng Milwaukee ang Bulls sa score na 116-110 sa kanilang paghaharap sa Game 5, kahapon.

Sasagupain ng defending champions ang Celtics sa game 1 sa homecourt nito sa Boston TD Garden Arena, sa Lunes.

Kinumpirma ng 7 feet 2 inches at 232 pounds na si Kai Sotto na siya ay sasabak sa 2022 NBA rookie draft.

 Kumpiyansa si Kai na mas sapat ngayon ang kaniyang galing kung ikukumpara noong sa nakaraang taon.

 Matatandaan na nito lamang nakaraan linggo, hinirang si Sotto bilang fans’ most valuable player award ng Australian National Basketball League.

 Samantala, nagpasalamat naman si Kai sa kanyang team na Adelaide 36ers maging sa kanyang mga pamilya at mga fans dahil sa patuloy na pagsuporta sa pag-abot ng kanyang mga pangarap.

Hindi maglalaro sa Gilas Pilipinas ang NBA prospect na si Kai Sotto sa 31st Southeast Asian Games sa Hanoi, Vietnam.

Nilinaw ni Gilas Team Manager Butch Antonio na walang planong isama ang 7-foot-3 center sa Sea Games Roster sa huling minuto lalo’t katatapos lamang ng kanyang NBL Season sa Adelaide 36ers.

Umugong ang issue sa posibleng stint ni Kai sa Sea Games kung saan ipagtatanggol ng Gilas ang Men’s Basketball Gold matapos ibalita na hindi makapaglalaro si big man Japeth Aguilar dahil sa injury na natamo nito sa PBA Governors Cup Playoffs.

Magugunitang pinangalanan ni Gilas Coach Chot Reyes ang 16-man pool para sa Sea Games team na kinabibilangan ni Aguilar, bagama’t sinabi ni Antonio na hindi pa ito nagsusumite ng kanilang final 12-man lineup.

Nagwagi sa NBA playoffs ang Dallas Mavericks kontra Utah Jazz sa iskor na 102-77.

Tinambakan ng Dallas ang Jazz sa una hanggang ikatlong quarter dahilan ng kanilang pagkapanalo.

Nanguna sa koponan sina Luka Doncicna nakapagtala ng 33 points, 13 rebounds na may 5 assists at Jalen Brunson na nakapagtala naman ng 24 points, 5 rebounds at 4 assist.

Abangan naman ang susunod na paghaharap ng dalawang koponan sa game 6 ng NBA playoffs mamayang alas-diyes ng umaga, oras sa Pilipinas. —sa panulat ni Angelica Doctolero