Pinaplano na ng Philippine Basketball Association (PBA) ang pagsasagawa ng awarding ceremony para sa outstanding performers ng season 46.
Ayon sa PBA, gagawin ito sa Araneta Coliseum sa Hunyo a-5 na opening ng season 47 ng PBA.
Layon ng asosasyon sa gawain na mapunan ang mga atrasadong plano dahil sa COVID-19.
Sa ngayon, wala pang opisyal na listahan kung sino ang kandidato sa individual awards.
Inihayag ni Barangay Ginebra head coach Tim Cone na target ng kanilang team na masungkit ang Philippine Cup title ngayong taon.
Ito ay makaraang mapanatili ng Barangay Ginebra ang korona sa PBA Governors’ Cup.
Kumpiyansa si Cone na mababawi ng kaniyang team ang Philippine Cup championship sa darating na season.
Matatandaang, naiuwi ng Ginebra ang unang Philippine Cup title sa loob ng mahigit isang dekada noong 2020 sa kauna-unahang bubble tournament ng liga sa Clark, Pampanga pero nabigo naman silang maidepensa ang kanilang panalo noong nakaraang taon matapos sibakin sa first round ng Playoffs ng eventual champion ang TNT Tropang Giga.
Nasungkit ng Miami Heat ang kanilang unang panalo sa game 1 simula ng Eastern Conference Semi-final series.
Ito ay matapos na itumba ng Heat ang Philadelphia Sixers sa score na 106-92.
Nanguna sa diskarte ng Miami si Tyler Herro na kumamada ng 25 points at si Bam Adebayo na nagtala ng 24 points at 12 rebounds.
Sinamantala rin ng kupunan ang kawalan ng big man ng sixers na si Joel Embiid dahil sa injury nito.
At dahil sa muling pagpapamalas ng kanilang malakas na opensa ay muling mapapanood sa Huwebes ang Miami sa game 2.
Sa kabila ng hindi paglalaro ng Kai Sotto para sa Gilas Pilipinas sa nalalapit na Southeast Asian Games ay mananatili parin siyang mahalagang bahagi ng National Team Program.
Nabatid na hindi kasama si Sotto sa pool ng mga players na tinawag ni Head Coach Chot Reyes na maging kinatawan ng bansa sa 31st Sea Games na gaganapin ngayong buwan.
Samantala, nilinaw naman ni Samahang Basketbol ng Pilipinas Deputy Executive Director Butch Antonio na plinano talaga nilang maging bahagi si Kai sa Gilas Pilipinas Program, maging sa Fiba Basketball World Cup sa 2023.
Sa kabilang dako, matapos na opisyal nang ipasa ang kanyang pangalan sa proceedings ay inaasahan nang itutuon ni Sotto ang kanyang buong atensyon sa paghahanda para sa NBA Rookie Draft.
Pinataob ng Milwaukee Bucks ang Boston Celtics sa game 1 ng NBA conference semifinals.
Nilampaso ng Bucks ang Celtics sa una, ikalawa at ika-apat na quarter, dahilan para maitala ang iskor na 101-89.
Nanguna sa panalo ng koponan sina Jrue Holiday na nakapagtala ng 25 points, 9 rebounds na may limang assists at Giannis Antetokounmpo na nakagawa naman ng 24 points, 13 rebounds at 12 assists.
Abangan naman bukas, Miyerkules, ang ikalawang paghaharap ng dalawang koponan sa game 2 ng NBA conference semifinals, alas-7 ng umaga, oras sa Pilipinas.
Muling ipinamalas ng Golden State Warriors ang kanilang malakas na depensa sa huling apat na segundo ng Game 1 para makauna sa NBA Western Conference semi-finals laban sa Memphis Grizzlies.
Muling nanguna sa Golden State si Jordan Poole na may 31 points habang 24 points naman ang naiambag ni Stephen Curry at tinapos ang laro sa score na 117-116, lamang ang Warriors.
Lamang pa ang Memphis bago ang 3-point shot ni Klay Thompson sa 36.6 seconds Mark ng laro.
Samantala, nabigo si JA Morant na maipasok ang huling tira
Umalma si Spanish Tennis Star Rafael Nadal sa pagbabawal ng Wimbledon sa mga players ng Russia at Belarus.
Sinabi ni Nadal na hindi makatuwiran ang hakbang ng Wimbledon at naniniwala aniya silang may magagawa ang England Club para hindi matuloy ang pasya ng Wimbledon.
Binigyang-diin ng 21 time major winner na may karapatan ang lahat na makilahok sa Wimbledon at iba pang tennis events sa buong mundo.
Una na ring binatikos ng Association of Tennis Professionals (ATP) at Women’s Tennis Association (WTA) ang naging pasya ng Wimbledon na nag ugat sa paglusob ng Russia sa Ukraine.
Nakakulong ngayon sa Santa Rita Jail sa California U.S ang Filipino boxer na si All Rivera dahil sa kasong pang-aabuso at pambubugbog o adult abuse.
Sa impormasyong nakuha ng mga otoridad sa mga kasambahay ng boksingero, nagwala umano at nanakit si Rivera nang dalhin sa isang psychiatric facility matapos mapansin ang pabago-bago nitong ugali dahil umano sa depression.
Nakatakda ngayong araw, Mayo a-2, ang pagdinig sa kasong isinampa laban kay Rivera sa Manuel Courthouse sa Oakland na may piyansang aabot sa $45-K o katumbas ng P2.35-M.
Matatandaang si Rivera ay gumawa ng rekord na 18 knockouts kung saan, huli siyang nakipaglaban Hunyo noong nakaraang taon sa American boxer na Omar Juarez at nagwagi via majority decision.
Nasungkit ni Fil-Am Willie Morrison III ang ikalawang gintong medalya sa men’s shot put para tapusin ang Philippine Athletics Championships sa PhilSports Track Oval sa Pasig City.
Ito ay matapos niyang talunin si John Albert Mantua nang makuha niya ang 17.06 meters sa shot put sa kaniyang ika-apat na subok.
Pumangalawa lamang si Mantua sa laban habang pangatlo si John Michael Fajardo.
Nabatid na nakapagtala ng bagong SEA games at national record na 18.38 meters si Morrison sa New Clark City Athletic Stadium sa Capaz, Tarlac tatlong taon na ang nakalipas.
Nagpakitang gilas ang pambato ng bansa na Philippine women’s football team sa ginanap na international friendly match sa Valentine Sports Park sa Sydney, Australia.
Ito ay matapos tambakan ng Pinas ang kalaban nitong Tonga sa iskor na 5-0.
Pinangunahan nila Anicka Castaneda, Eva Madarang at Carleigh Frilles ang nasabing friendly match.
Nabatid na ang nasabing laro ay bahagi ng preparasyon ng bawat bansa sa Asya para sa gaganaping 31st Southeast Asian Games sa Hanoi, Vietnam.