SPORTS

Dumating kahapon sa Hanoi, Vietnam ang pinakamalaking Philippine Contingent o pinakamaraming bilang ng mga Pilipino na lalahok para sa 31^st Southeast Asian Games (SEA Games.)

Ayon sa Philippine Sports Commission (PSC), mas pinadali nila ang pagdating ng Filipino athletes dalawang araw bago ang pagsisimula ng ceremony ng 11-Nation Sports Fest.

Kabilang sa mga kasama sa delegasyon ang 193 miyembro ng Philippine team kabilang na dito ang 38 volleyball athletes at 22 gymnatics.

Napabilang din sa delegasyon ang world champion gymnast na si Carlos Yulo at ang Philippine women’s volleyball team.

Maganda ang naging simula ng Philippine Women’s Football Team na Filipinas sa 31st Southeast Asian Games sa Hanoi,Vietnam.

Ito’y makaraang tambakan nila ang Cambodia sa iskor na 5-0.

Unang pumuntos sa 27 minutes ang filipinas ng maipasok ni Isabella Flangan ang goal.

Ito ang unang official matching Filipinas mula ng magwagi sila sa afc women’s asian cup 2022 kung saan nakapasok sila sa Fifa Women’s World Cup 2023.

Susunod na makakaharap ng women’s football team ng bansa sa group a ang vietnam sa May 11.

Nasungkit ng UP Fighting Maroons ang unang panalo sa Best of 3 Final Series sa Season 84 ng University Athletic Association of the Philippines (UAAP) Kontra Ateneo Blue Eagles.

 Naungusan ng UP ang Ateneo sa via overtime sa score na 81-74sa kanilang paghaharap sa Mall of Asia Arena, kahapon.

 Nanguna sa panalo ng UP Si Ricci Rivero na nagpakawala ng 19 points habang nag-ambag ng 17 points si Zavier Lucero.

 Lalarga naman ang game 2 sa Miyerkules, Mayo a-onse dakong alas-sais ng gabi.

Tinambakan ng Golden State Warriors ang Memphis Grizzlies sa game 3 ng NBA Conference Semi Finals sa iskor na 142-112.

Nilampaso ng Warriors ang Grizzlies sa ikalawa hanggang ika-apat na quarter dahilan ng kanilang panalo.

Nanguna sa koponan sina NBA Superstar Stephen Curry na nakapagtala ng 30 points, 2 rebounds na may 6 assists at Jordan Poole na mayroong 27 points, 4 rebound at 2 assists habang nasayang naman ang 34 points, 3 rebound at 7 assists na naitala ni Ja Morant ng Grizzlies.

Abangan naman ang susunod na paghaharap ng dalawang koponan sa game 4 ng NBA Conference Semifinals.

Nagpositibo sa COVID-19 si Filipino-Australian swimmer Luke Michael Gebbie.

Dahil dito, hindi siya makakapaglaro sa 31st Southeast Asian Games na gaganapin sa Hanoi, Vietnam.

Labis namang ikinalungkot ni Philippine Olympic Committe (POC) President Abraham Tolentino ang pangyayari.

Samantala, si Gebbie ay representative ng Pilipinas noong 2019 Sea Games at Tokyo Olympics.

Nasungkit ng Pinoy Jin na si Ernesto “Bhuboy” Guzman Jr. ang gintong medalya sa 2022 World Poomsae Taekwondo Championships na ginanap sa South Korea.

Nakipaglaban si Guzman sa mahigit 64 na bansa kabilang ang Japan, Singapore, USA, Vietnam at iba pa.

Kasama rin sa mga nakapag-uwi ng medalya sa nasabing kompetisyon sina

Kobe Macario at Juvenile Crisostomo na silver medalist sa freestyle pair over 17

Ian Corton at Nicole Labayne na nakakuha ng silver medal sa pair under 17

Rodolfo Reyes Jr. at Darius Venerable na bronze medalist sa freestyle male over 17

Samantala, isang malaking karangalan para sa bansa at kay Guzman ang nakuhang ika-anim na gintong medalya bilang world champion sa larangan ng Taekwondo.

Sa tulong ni Carl Tamayo, nakabawi ang University of the Philippines Fighting Maroons matapos gibain ang De La Salle University Green Archers sa kanilang laban sa Mall of Asia Arena  sa UAAP Season 84 men’s basketball tournament.

Si Tamayo ang nanguna sa UP nang maglunsad ito ng 22-4 run sa huling apat na minuto ng kanilang do-or-die game kaya’t naitakas ang 78-74 victory laban sa La Salle.

Kumamada si Tamayo ng 19 points para sa kanilang koponan.

Makakasagupa naman ng Fighting Maroons sa finals ang defending champions Ateneo de Manila University Blue Eagles.

Umarangkada ang Pilipinas sa kampanya sa Southeast Asian Games sa Hanoi, Vietnam matapos magwagi ang Philippine Azkals at Philippine beach handball team sa kani-kanilang laban.

Natalo ng Azkals ang Timor Leste sa score na 4-0 habang ang Philippine National Handball team ay hindi binigyang-pagkakataon ang Thailand sa score na 18-16 at 18-16.

Sa linggo makakaharap ng Philippine Azkals ang Vietnam at unang campaign game rin ng ating Filipino Kickboxers.

Ang Campaign Games ang nagpapainit sa laban ng mga koponan.

Sa Mayo a-12 opisyal na magsisimula ang SEA Games.

Hawak na ng Miami Heat ang 2-0 lead sa kanilang Eastern Conference Semifinals series matapos talunin sa ikalawang game ang Philadelphia 76ers.

Inilampaso ng Heat ang 76ers sa score na 119-103, sa kanilang Homecourt Ftx Arena sa Miami, Florida.

Nangunguna si Bam Adebayo para sa Heat bitbit ang 23 points habang nag-ambag si Jimmy Butler ng double-double 22 points at 12 assists.

Nanguna naman si Tyrese Maxey para sa Philadelphia dala ang 34 points.

Muling maghaharap ang dalawang koponan sa balwarte naman ng 76ers sa Wells Fargo Center, Philadelphia, Pennsylvania, sa game 3 bukas.

Ipapasubasta sa halagang limang milyong dolyar o katumbas ng 263 million pesos ang rookie jersey o basketball uniform ni NBA Superstar Kobe Bryant.

 Ayon sa SCP Auctions o Sports Memorabilia Auction and Consignment, ang purple and gold jersey ay sinuot ni Bryant sa kaniyang unang taon sa Los Angeles Lakers 25 taon na ang nakakalipas.

 Taong 1996 ng pumasok sa NBA si Bryant gamit ang numerong otso kung saan, naibenta narin ang jersey na kaniyang sinuot sa regular season sa halagang 3.69 million dollars.

 Matatandaang noong January 2020 ng bumagsak ang sinakyang helicopter kasama ang kaniyang anak na si GIanna o mas kilala bilang si “Mambacita” kasama ng iba pang female basketball player ng Mamba League Youth.